India ram Andhra Pradesh ah khuasa mi Nu pakhat nih cun phone in India Chief Minister cu a chawnh i(bank)vial te ah bomb ka puah dih lai tiah a hei hrocer. Cun Nu nih hi bomb ka puah dingmi hi ralhrang hna nih nunnak pek in an puah tawn mi bomb he aa lawh lo pin ah hi ka bomb ka puah a si ah cun Andhra Pradesh chungah nan chiah mi (bank) vial te hna le civil minung tampi an thi lai hi tiah CM cu Ca a kuat.
Cun India ram chung dihlak ah a cozah nih “Electronic Voting Machine”a chiah mi hna hmun 5 zong bomb ka tar dih cangi cu thil vialte hna zong cu an rawk dih lai tiah a chimh.cu tik ah Andhra Pradesh Chief Minister Chandrababu Naidu le a hnuzultu YS Jagan Mohan hna nih an ralkap pawl hna cu nawl an pek cawlh hna i Andhra Pradesh state chungum “BANK”vialte hna cu mizei hmanh nih pal hlah u bomb a um caah t’ihnung a si tiah thawngzamhnak an tuah cawlh.
Cun bank rian t’uantu minung vialte hna sin zongah Nu nih cun Ca a kuat hna caah thingphang taktak in a tuah hna tik ah rianrang in t’uanvo neitu Palik hna nih dothlatnak an tuah tik ah milih chimtu Nu cu an kah i a thi.cu Nu nih a chim mithil hna cu felfei tein an chekhlat dih tik ah lih lawng te a rak chim mi a si tiah Hindu newspaper nih a chim.
A tu hi Andhra Pradesh ithimnak an tuah cuahmah lio a si caah mah Nu hi party pakhat khat nih an fial mi si sehlaw a lo tiah an chim.a si na in zei party hi dah an si hnga ti le lihchimtu Nu min zei hmanh an langhter mi a um lo.
Source: india today.
