NUG Ah Ralhrang He Rian Tuan Nak Mi Rakhine Miphun Dahlo Cu An Tling Dih

National Unity Government ah ralhrang he riantuanti mi Rakhine miphun dah ti lo, tlangcung miphun an tling. An dihlak in anmah le an miphun chungah upat ciomi an si. Anmah le an tlaih dingmi rian cio ah catang sang miza lawngte an si. Fimthiamnak lawng si loin ram dawtnak le miphun dawtnak a ngeimi lawngte an si fawn.

 

 

Vawleicung sianginn tha bik in a dihmi nu le mino tete zong an i tel. Ram caah nunnak a thapmi hna le ram caah an caan vialte a pechanh mi hruaitu tha an i tel. Kawlram chan tuanbia cozah cabinet ah a fit bikmi an si lai. Mah rian hi nunnak le thihnak karlak ah tuan dingmi rian a si caah mipi nih dirpi le thlacam piak an herh. Mipi nih fek tein kan dirkamh hna ahcun teinak cu a tuan le a tlai lawnglawng a si ko lai.Credit: Salai Lairam Thang

 

Relchap: Zaran nih tuah khawh lomi rian biapi taktak mi Laimi kan pale khinh an si.Kawlram level in Pyitaungsuh vuanci hmuh hi thil fawi a si lo. Cu lak ah cun tutan CRPH cozah thar thimmi ah Laimi kan pale Dr pahnih an i tel.Dr Lian Hmung Sakhong rian hi a biapi taktak.

 

 

Tlangcung mi nih kan hal pengmi mah te khuakhan lairel khawhnak zunglei (federal pyitaungsuh) ah vuanci a si lai. Atu lio kawlram ramkhel lei cun kan pale Lian Hmung Sakhing hi dictionary tluk ah ruahmi a si.Dr SaSa tulio Kawlram si ning ah cun Lawyer tluk ah bochanmi a si.

 

 

Mi pakhat chanchuah hmanh a fawi lo lio ah Kawlram pi chanchuah ding in a cawlcang cuahmahmi a si. Kawlram mi poh nih theihmi ah a cang. A nih kawlram le ramdang pehtlaihnak zung ah vuanci si ve. Hihi Kawl miphun nih an zenh ngaimi rian biapi a si ve.

 

 

Kawlram le ramdang pehtlaihnak ah tuanvo a ngei lai. A bik in sipuazi lei ah ruahchannak tampi a um. Cun ram kong ah thil poimawh a chuah caan zongah lamkal a si lai.Zaran tuan khawh lomi a si.

Credit:Tluang Ceu Thang

Author: Salai Ephraim