NUG Le PDF Nih D Day An Phuan I Thla Hnih Chungah Ralhrangbu Phomh An Timh

Sagaing Region, Kalaymyo township chung vialte ah ralhrangbu nih valawng hmangin an ralkap thazaang a chap cuahmah peng tiah theih a si.hi konghe pehtlai in thawngpang kan theih nak ah cun nikhat ah a tlawm bik ralhrangbu nih vanlawng in voi thum tluk in a ralkap a rak chiah peng rih hna tiah ah an chim.


Atubantuk in ralhrangbu nih Kalaymyo township chungah vanlawng hmangin a ralkap thazaang a chap hi mipi nih cun theih khawh a si loh.a can tam deuh ah cun zing suimilam 7-9 karlak hi an i sel i,mipi nih thei manh lo in an rak chiah tawn hna.hi karlak ah hin mipi nih thawngpang an thei manh tuk tawn lo tiah an chim.

Hi konghe pehtlai in NUG cozah nih cun D Day tiah phuang in thla hnih chung tuah a si lai i,hi thla hnih chungah ralhrang pawl hna cu an dih lak in thah dih dingah timh lamhnak zong an ngai.PDF ralkap pawl hna zong kawlram khuapi hmunkip ah an lut cuahmah cang tiah PDF nih cun mipi theihter nak a tuah.

NUG nih cun PDF cu a herh ning paoh in hriamnam lei siseh,chawva lei siseh a si khawh chung in bawmhchanh peng kan i zuam lai,ralhrangbu pawl cu can rau lo teah kapdoh dingin kan tawlrel cuahmah tiah a chim.PDF kawlram khuai hmun kip an luh ruangah ralhrangbu nih key-bort phone hmangin PDF tlaih khawh nak dingah biatak tein mipi hman a timh ve hna tiah theih a si.