Nusal Tha Nikki Haley Nih Pu Biden Cal Ah A Kut Dongin A Sawh Lo Lawng Si

Trump a rak dirkamh taktak tu Nikki Haley cu International politics hna lak hmanh ah Nusal t’ha taktak a si.Trump he rian an rak t’uanti lio ah khan Nikki Haley nih ral t’ha taktak in voi tampi Trump cu ruahnak a rak cheuh lengmang.atutan zongah Pu Biden cu US president a hung tlin bak in Trump kutzung a tam deuh cu hrawh le hnawl piak dih dingah timhlamhnak a nei.cucu Nikki Haley nih cun Pu Joe Biden sin ah ralrin nak a pek.

 

 

 

Nikki Haley nih cun President Joe Biden,US ram le mipi t’hat nak dingin rian na t’uan ko a si ah cun na rian t’uan mi le UN Human Rights cu ai ralchan awk a si lai lo.cun, Trump Foreign policy le UN Human Rights hi zei tik hmanh ah na tleih peng awk le hnu chit in na hnawl hna awk an si hrimhrim lai lo.cu ti na tuah lo a si ah cun US ram le mipi na daw taktak loh ti nak a si kho tiah a chimh.

 

 


Zeitik Paoh ah na rian t’uan mi le UN Human rights an kalt’i khawh a si ah cun Human rights Council na ralchan lo i,thil t’ha tuah na duh ti nak a si lai.a mahbelte nang mah khuakhan nak le ruah nak lawng in na kal a si ah cun Human rights Council zei na rel lo i US ram le mipi zawn na ruat loh ti nak kha a si hnga.Cucaah Human rights Council zulhphung hna hi cohlang in dirkamhtu si dingah kan in duh piak tiah a chim.

 

 

Cun America tualchung kongah Trump administration ni Human rights ningcang tein an hman khawh nak caah thaba taktak in an rak t’uan cia mi hna hi Upat in pehzulh piak dingah kan in duh piak fawn.kum 2019 ah khan UN General cu tuah a rak si tik ah Human rights Council ah Libya, Sudan, Venezuela hna zong chungtel tlin sidingah biachahnak rak tuah a si.cucu Biden nih Human rights Council rian t’uan nak ah Libya, Sudan, Venezuela an itel taktak a si ah cun Human rights Council pin ah WHO zong kan pehtlaih hna lai tiah a chim.

Author: Salai Ephraim