Pago ramt’hen vialte ah mipi case siseh a cozah ralkap lei case siseh dingfelnak in biaceihtu (lawyer) riah a t’uan cuahmah tu U Kyaw Yin Oo cu ruahlo pi in a ruat in char a si.a thih nak konghe pehtlai in Toungngu khuapi ahmat hnih palik zung nih thawngthanhnak a tuah ning le a chim nak ah cun lawyer U Kyaw Yin Oo cu a mah tein a that mi a si tiah a chim.
Lawyer U Kyaw Yin Oo hi October 6 zanlei suimilam 11:30 tluk hrawngah Toungngu khuapi chungah a chawk i,hi a chawhvahnak ah hin hawi a ngeilo a mah te lawng a chawk i, Toungngu khuapi Sang Sape Oo veng ti mi Inn pakhat chungah a ruak cu hmuh a si.a ruak hmuh ka ah hin hri in a mah le a mah a rak i vel i,mah le mah a that mi si dawh a si tiah an chim.
Aruak a chartu Palik pakhat nih a chim nak ah cun Lawyer U Kyaw Yin Oo cu Lam pawng inn pakhat ah a ruak in char a si,a ruak kan va char lio ah hin Inn cungah pii 10 tluk a san nak ah a mah tein hri in a rak i awk mi a si.hi kongah mi zei hmanh zumhlo ding an um lo,kan mit hrimhrim in kan hmuh mi le a ruak i lak mi a si tiah a chim.
Toungngu khuabawi U Myint Oo nih a chim mi cu Lawyer U Kyaw Yin Oo hi miding fel ngai mi a si pin ah a rian ah cun mipi le ralkap lei zongin zei hmanh mi thleidannak a ngei lo,thil kha a dik,a hman ning tein biachahnak a tuahtu a si.amah belte an Nu he an i t’hen nak hi kum 20 tluk hrawng a si cang i,lungrawk lei in a la cuahmah ti ah mipi nih kan hmuh khawh.atutan a thih nak kongah Lawyer U Kyaw Yin Oo a thi tiah kan theih hi cu zanlai suimilam 12 hrawng a si,a thihnak inn ah kan va kal tik ah,Lawyer U Kyaw Yin Oo ruak a rak hmutu hi cu midang lawyer biaceihtu a si.a mah belte a tutan a thihnak kongah mahte a that dingah cun zumh awk har ngaimi cu a si.thil fiang taktak zei hmanh a um lo tik awk a si rih tiah a chim.
Credit:chindwinpost
