Indian ralkap Madhya Pradesh,infantry battalion ah a um mi Mr.havilder nih cun Indian cozah nih biathli thup a neih mi vialte hna cu Pakistan cozah ralkap Ngaknu dawh taktak hna sin ah phuan a timh lio ah tuchan ah tleih a si tiah an chim.asinain Mr.havilder nih hin Indian cozah biathli thup hna cu Facebook le Whatsapp hmang in tampi a rak phuan cang lai dah tiah an zumh.
Cun Pakistan cozah nih hin a cozah ralkap hna chung in Ngaknu dawhdawh hna cu Indian cozah biathlithup kawl dingah a thlah hna i cu Ngaknu pawl hna nih cun Indian cozah ralkap pawl hna cu biatak tein an i komhter hna tiah an chim.an tleih mi Indian cozah ralkap pa hi CAZI rian a t’uan cuahmah mi a si tiah an chim.
Mr.havilder a komtu hna Pakistan cozah ralkap Ngaknu pawl hna hi international journalist bantuk tein an i umter i mui i hmuh hlan in Facebook le Whatsapp hmang in an komh hmasa i,cu hnu ah cun Indian cozah nih Paksitan cozah cung ah a lungput le a cozah ralkap cawlcangh ning vialte hna cu a hal tiah an chim.
Mr.havilder nih cun Pakistan Ngaknu cu a duh caah Indian cozah nih a hriamnam t’ihnung a neih mi hna le a ralkap t’ihnung a chiah nak hna hmunhma le an i pehtleihnak contact number tiang in a rak chimh.Mr.havilder cawlcangh ning cu a luan cia November thla khan Indian military intelligence pawl hna nih an zumhlo caah dothlatnak an rak tuah peng ve i Madhya Pradesh ah an tleih manh hi a si tiah an chim.
Source: BBC
