Pakistan foreign minister Shah Mahmood Qureshi nih cun Jammu and Kashmir special status rawh a si ruangah hi tin a chim,” Pakistan nih ralpi thawhter dingin le ral i doh dingin timh cia kan si mi zei hmanh kan t’ih hlei mi hna an um lo” tiah a chim.cun, a bik in India he hmai tonh bak in i kap dingah tihmi cia kan si.Pakistan le India hi caan saupi chung a ngiar mi le a ertau mi an si cang.Pakistan hi bia a chim duh mi hi India cungah a langhter duh mi a si tiah an chim.
Pakistan nih cun India nih Jammu and Kashmir ramkulh chungah an tuahser mithil vialte hna cu vawlei cung pumpi hmuh ah phozar peng an si.India nih hi thil a tuah mi hna hi vawlei cung pumpi nih a hmaizah mi Nurhin covo zei a rel lo i a sersat biatu a si.asinain India nih Jammu and Kashmir ramkulh chungah an tuahser mithil vialte cu vawlei cung mipi hna sin ah thuhnawh le phet i chem a tim peng. cun, ramdang hruaitu vialte hna zong india nih an mah lei t’ang dingin foih a timh peng fawn hna tiah a chim.
Hi konghe pehtlai in Human Rights hruaitu pawl hna nih an chim ningah cun a tu i Pakistan nih a chim mi hi a sawhsawh thil men a si ti lo. Pakistan le India karlak ah i tukden nak taktak a chuak a si ah cun vawlei pi a cawl kho.zei catiah Pakistan nih nuclear hriamnam a ngeih i,cu ve bantuk in India zong nih nuclear a ngeih ve caah thinphang ngaingai a si tiah an chim.
Pakistan President Arif Alvi nih cun a gmail chungin Ca kuat pakhat a hmuh i Pakistan mipi hna nih India he ral tho dingin t’ihnak le thinphang nak zei hmanh kan ngei lo a cozah order lawng kan hngak ti a si.Pakistan human rights minister Shireen Mazari zong nih cu Ca kuat cu screenshot a tuah hnu ah mipi theih awk in Twitter ah a tar langh ve ti a si.
