Palestin Cozah Nih Zeitik Hmanh Ah Israel Ram He Remdaihnak Tuah Ti Lo Dingin Biachahnak A Tuah Ngam Ko

Palestinian president Mahmoud Abbas nih cun Israel ram he remdaihnak ser ding in caan saupi chung rian kan t’uan pin ah remdaihnak taktak ser dingin biachahnak zong rak tuah a si cang.asinain Israel nih Palestin he remdaihnak taktak ser an duh lo caah Palestin ram mi hna cu harsatnak a pek cuahmah peng hna.cucaah cun Israel ram lePalestin ram cu zei tik hmanh ah remdaihnak ser ti lo dingin le remdaihnak ser dingah biachahnak kan rak tuah cia mi vialte hna cu hnawl piak an si cang tiah a chim.

Palestin nih hi tibantuk in biachahnak a tuahmi hi Israel cozah ralkap hna nih cun West Bank le Israel ramri ah a um mi Pelestin ram mi hna Inn cu zei maw zat a rawh piak hna.cu pin ah Israel cozah nih cun Gaza le Israel ramri ah hna-hnawhnak a tuahtu hna Palestin ram hna le Hamas pawl hna cungah a cozah ralkap, ralvengtu hna cu meithal hman khawh nak nawl a pek hna i,ramri ah ningcang lo in a cawlcang mi hna cu an khup in a tang lei ah sniper gun hmangin nan kah khawh hna lai tiah nawl a pek hna.

 

Cun, Israel cozah nih hi thil a tuahmi kongah “Israeli high court” nih cun kan mah nih nawl kan pek hna ning tein Israel cozah le a ralkap hna nih cun rian an t’uanmi a si tiah a chim.Palestinian president Mahmoud Abbas nih cun hi thil ruang ah Palestine Liberation Organization lakhruak meeting a kawh cawlh i Israel ram he remdaihnak ser ding ah biachah nak an rak tuah mi vialte hna cu hnawl le rawh piak an si caah hi rian a pehzulhtu dingah Palestin nih “committe” a thar a dirh lai i,cu hna nih cun Israel le Palestin ram karlak ah Palai an si lai tiah a chim.

 

Palestinian president Mahmoud Abbas nih cun Israel le Palestin ram karlak ser siam nak ding caah ramdang mi, mi tampi hna nih an tawl rel cuahmah ko.asinain Palestine Liberation Organization lakhruak meeting nih Israel cu a hnawl cang caah Israel le Palestin ram karlak kongah zei bantuk thil t’ha hmanh tuah hna sehlaw,Palestin nih cun a hnawl piak peng cang hna lai tiah a chim.

 

Source: AP