Palestine Ram Mi Hna Um Nak Lebanon Ram Cu Israel Nih A Huai Cuahmah Than Cang

Nizan naite ah khan Iran killer drone cu a thli in Israel ram chungah va luh i Israel ram va kah a timh nak ah Israel nih an rak kah piak cang.cupin ah Iran cozah he a pehtlai in ralhrang pawl hna um nak zei maw zat a rawk piak fawn hna tiah Syria thawngzamhtu pawl hna nih an chim.asinain hi kongah Iran nih cun kan thil zei hmanh Israel nih a kah mi le a rawh mi a um lo tiah a chim.

 

Cun, tuchun ah Israel cozah raltuknak vanlawng nih Syria ram le Lebanon ram karlak ah a um mi hna Palestine ram mi ralhrang pawl hna zong a kah t’han hna tiah Lebanon National News Agency nih a chim.Lebanon National News Agency nih a chim ningah cun Lebanon ram chungah khuasa mi hna Israel nih a kah mi hna hi Syria cozah a dirkamh tu hna an si i,Popular Front for the Liberation of Palestine tiah min kan theih mi hna kha an si tiah a chim.

Israel cozah nih Popular Front for the Liberation of Palestine ralhrang pawl a kah hna nak kongah zei hmanh chim fian nak le theihternak zong a tuah lo.cu bantuk kha bantuk an si ruangah ka kah mi hna an si ti zong a chim loh tiah an chim.a mah belte Agency hna nih an chim ningah cun a tutan ah Israel nih a kah mi hna hi Lebanon ram chung a si mi Bekaa khua um mi hna le Qusaya khua ah a um mi hna Palestine ram mi hna an si tiah a chim.

 


Cun, Israel nih Lebanon ram chung khuasa Palestine ralhrang pawl hna a va kah hna i a an rak kir pah ah Gaza ram chungum Palestine dirkamh tu Hamas ralhrang pawl hna zong an kah pah fawn hna tiah an chim.a mah belte Gaza ram chung um Hamas pawl hna an kah nak hna a ruang cu Israel nih a chim.Hamas pawl hna nih ningcang lo in Israel ram chungah rocket pathum an kah ruangah Israel nih kan lehrulh mi hna an si tiah a chim.Hamas nih Israel ram chungah rocket an kah lio ah hin Israel nih Iron Dome aerial defence system hmang in a rak tleih manh tiah an chim.

Source: BBC

Author: Salai Ephraim