Pasal Tha Kim Jong Un Nih North Korea Ram Nawl Ngeihnak Vialte Ting Dih A Timh Cang Hna

North Korea ram hruaitu Kim Jong Un hi an hruaitu si hmanh sehlaw,ram pakhat chungah rian t’uantu hna nawl ngeihnak a dang lawng cio.asinain Pu Kim Jong Un nih cun North Korea state chung nawl ngeihnak a sang cem mi (Head of State) sinak cu a mah nih a chuh t’han hna tiah North Korea military commander nih Official te in thawngthahnak a tuah tiah an chim.

North Korea, top governing body State Affairs Commission chairman nih cun Kim Jong Un nih a tu nawl ngeihnak a tinco mi hi North Korea ram chung i t’hit hruai ningah cun nawl ngeihnak sangcem a nei mi an si ko tiah mipi sin ah a chim.cun,Korea state (Head of State) rian a tlaitu hna hi cu Korea ram mi vialte hna ai-awhtu an si tiah a chim.

 

North Korea ram nih hin Kim Jong Un cu Korea ‘supreme leader’ tiah an rak kawh i,a tu ah cun Kim Jong Un cu North Korea ‘supreme leader’lawng si ti lo in (Head of State) nawl ngeihnak a lak hnu in cun Korea ram mipi vialte hna ai-awhtu zong a si chih cang tiah an chim.North Korea nih phunghram a rak zulh tawn ning ah cun North Korea official head a si mi paoh cu parliament, Supreme People’s Assembly president ah an rak cohlan cawlh mi hna an si.

Hi konghe pehtlai in thawnglatu tampi hna nih cun North Korea nih American ram he remdaihnak taktak tuah a duh caah le American ram caah lam a hmuhsak biatu a si tiah an chim.

Source: BBC