Pathian Rian a Tuan Cuahmah Mi Hna Chungkhar Cu An Mawtaw Chungah An Nun Bu In Khangh Dih An Si

Kum 1999 lio i India ram ah Australia ram mi Missionary rian a rak t’uantu Graham Staines le a fa le minung pahnih hna cu an moto chung an um lio ah pa rual hna nih an fuh hna i an moto chung an um lio bak ah cun an khangh hna.cu an thah hna nak konghe pehtlai in lanawn case 7 tuah piak an rak si na in an case 7 cu pehzulh lo in a rak dai diam ko.

India cozah nih cu mithah nak kongah dothlatnak cu a tuah tik ah India sahrang an ti mi pa Pratab Sarangi ti mi nawl pek nak in an rak thah mi hna hi si dawh an si tiah an rak chim.asinain india nawl neitu hna nih Pratab Sarangi rian t’uan ning cu an rak theih tuk ko bu ah biachahnak le hremnak zei hmanh a cungah an rak pe ngam lo.zeicatiah Pratab Sarangi hi zumlotu hna pathian BABA tlang chuak pakhat a si caah a case tu cu an daihter diam mi a si tiah an chim.

Pratab Sarangi cu a tu hi kum 66 a si cang i bicycle hmang in a duh nak hmun paoh ah a chawk vek tawn tiah an chim.2019 indian ram ithimnak ah india Prime Minister Narendra Modi party “BJP”nih tei nak an vun hmuh le caangka in Narendra Modi nih cun misual pa Pratab Sarangi cu Micro, Small and Medi Enterprises and Animal Hunbandry, Dairying le Fisheries ah nawlngaitu(minister)sinak bak a pek ko.

 

Note: Pratab Sarangi a rian hi khrihfa mi hna caah cun t’ihnung ngai a si lai,a bik in india ram chung khrihfa le Hindu, Muslim pawl hna karlak ah zei thil ko dah a tuah te lai?tihnung taktak a si ko cang.