PDF Ralkap Nih An Kan Kahdoh Ah Cun SAC Nupi Vialte Zong Meithal Nan Tlai Dih Lai Tiah Cathanh

Ralhrangbu nih zei tluk in dah Kawlram mipi runvengtu PDF tel in CDF, CNA/F an t’ih hna ti hi fiang tein hmuh khawh a si ko cang.ralhrang bu nih mah ti hin cathanh an vun tuah t’han cang, PDF he biatak kan i kah tik ah cun kawl ralkap Nupi vialte hna zong nih hriamnam nan tlai dih lai tiah cathanh an chuah.

Kawl ralkap thazaang a der in a tlawm chin lengmang ruangah le ralhrang dirhmun in rian t’uan a huam ti lo mi kawl ralkap zaam an tam tuk caah ralhrang bu nih mah ti hin cathanh an tuah hi a si ko tiah mi tampi nih an chim.PDF he kan i kahdoh taktak tik ah cun Ralhrangbu Nupi le lawng si lo in ralhrangbu he ai pehtlaih mi Ngakchia le Nunau hna zong nih hriamtlaih dih a si lai.

Hi konghe pehtlai in September ni,14 zongah Khan ralhrangbu nih cun kahdohnak biatak tein a chuah ah cun Nunau lei hriamtlai kho mi paoh cu meithal tlaih dih lai i ral nan do ve lai tiah cathanh an rak chuah bak cang i a tu hi a voi 2nak cathanh a tuah hi a si tiah a thang.

Ralhrangbu nih hi tibantuk cathanh an tuah mi konghe pehtlai in Ralhrang sinak kal tak in CMD a tuahtu Bukyi Ngi Thut Tah nih cun kawl ralkap an Nupi le hna nih an mah duhthim nak a tuah kho mi le biachahnak a tuah kho mi an si bantuk in hramhram in meithal tlaihter in ral dohter timh a si mi hi lungrual tein an Nupi le hna nih an al khawh mi a si tiah a chim ve.

Credit: Mizzima

Author: Salai Ephraim