Mexican cozah nih US le Mexico ramri ah ralzam le Mipem khamtu dingah le ramri vengtu dingah Pentagon sin ah sin ah cun nawlpatnak a tuah.Mexican cozah nih cu tibantuk in nawlpatnak a tuah mi cu Pentagon nih a cohlan piak i, Pentagon nih cun Texas National Guard pasal t’ha minung 1,000 le ralkap minung 1,100 bak kuat dingin biachahnak a tuah tiah Pentagon biachimtu Major Chris Mitchell nih a chim.
Pentagon biachimtu Major Chris Mitchell nih cun a tu ah US le Mexico ramri ah hin America cozah ralkap minung 4,500 nih ramri cu an ven cuahmah.asinain Mexico cozah ralkap hna nih duh dingin ramri an ven khawh lo caah Pentagon sin ah nawlpatnak an tuah tik ah Pentagon,defence secretary Richard Spencer nih cohlan nak a tuah piak t’han mi hna hi an si tiah a chim.
US le Mexico ramri ven nak konghe pehtlai in a mah Pentagon bak nih ramri ah a ralkap zei maw zat chiah dingin timhlamh nak a rak ngei bal cang na in caan karlak Congress nih ithimnak tuah an timh ruangah ningcang lo thil tuahmi le a thli in politics rian t’uantu ah an kan puh lai ti a phan caah a rak i let t’han tiah an chim.Trump nih American President rian khinh a si cangka in American ram chungah ningcang lo in ralzam le mipem hna cu kham a timh pin ah US ram chungah a um cia mi hna hmanh ralzam le mipem an sinak in ningcang lo thil a hmuh mi an um ah cun t’hawl dawi dingin rian an t’uan cawlh.
Cun,a tutan ah US le Mexico ramri vengtu dingah Pentagon nih Texas National Guard pasal t’ha minung 1,000 le ralkap minung 1,100 chiah t’han dingin Pentagon,defence secretary Richard Spencer nih cohlan nak a tuah mi cu Congress hruaitu hna chung in minung tampi nih cun Trump cungah lunghrin nak an ngei tiah an chim.asinain defence secretary Richard Spencer nih a ralkap hna cu zei tik ah dah? ramri ah cun kalter le chiah ding an si te lai tiah zei hmanh a chim loh.
Source: CNN
