Phaisa Muisam Lawng Pastorte Mitthlam ah A Cuang Caah Dam Khawh Ti loin Ram Azaw

Phaisa Muisam Lawng Pastorte Mitthlam ah A Cuang Caah Dam Khawh Ti loin Ram Azaw: PG (40) Ceasar (Sizaar) hmel cuang cu Ceasar pe uh law, Pathian Hmel Cuang cu Pathian pe uh timi Bawipa Jesuh BIA.Tutan MAH le SAC sin in nan cohlan mi Phaisa hi Jesuh Mui a cuang maw? Hung kan fian uh Mipi sin ah, a cohlan tu Pastorte!MAH sin in Phaisa nan cohlan ah khan KRIH le A Krifabu an ke in an cilh chih kha nan theih lo maw? KRIH Bawipa cu A Hmai ah an cil in an chak mi hmuh lo tiang in maw nan mit a caw, Phaisa duh tuk ruang ah! Hnap le Khah tiang in an bungh hnawh khah! Krih Vailam ah voi hnih that tu nan si cang.

Buhda Phungki laksawng an pe hna ah an um tu ning btkin lak sawng an in pe ṭung hna lo. VP Jessy pa Phungki a Biak lio a kut tuah ning, a ṭhut to ning, a um tu ning phun khan teh tuah ve uh nan ti ko hna! (Dr. PC Biaksiama nih social media ah a phuang dih ko kha aw!).Budha Phungki an tawn hna ah Civil thuam he an kal. An kutke, an khuk, an lu, an kutphar tiang in, an zeizong te vawlei ah phah in an biak hna. Phungki cu an ṭhut hmun ah khukbil buin laksawng an pe hna. Upat hmaizah nak sangbik an pe hna. Limhang cungnung bik in an Cuai thlirh hna. Ralkap thuam he an si sual ahcun meithal le Pistol an i ken ve lo. An kut pahnih phir tahrat in an biak hna.

Kan nih sin tu ah cun, Ralthuam tling te, kedan phuaih bak hlah, Pistol zong an ni thlai lulhmal ee. Zomtaih le Thlanglamh nak he an ra ko lo maw? Pastorte Upat btkin nan sin an ra i, Krih chiatserh buin dakaw an ra kha. Ziah mah tluk tai tai in khua nan sa ee! Zei nih dah hi tluk in an molh ter hna. Nan mitcaw ter tu hi phaisa ṭheu cu maw? Phaisa ṭheu cu maw Company le Tendor tiang Rev Fr. ṭuan ter tu cu? Dawtnak he a ra mi an si lo dakaw! Krih le A Pennak caah an ra lo dakaw! Krih pennak hrawk awk ah le bit ter chin awk ah ara mi an si hna khah! Tuphaw aih mi Cehngia rual cu maw, nan cawng lawmh hna?

A cohlantu Pastorte hi, Saphaw cung bawk tahratin Saphaw khim lakin a ṭamhtu Babao nan si ko. Mikei le Sahrang he i hawikomh phung asi lo. Rulpur na zuat cu thih lakin an kan seh Caan a phan te lai. A rau lai lo zoh cio te ko uh! Master Po and Tiger tuanbia nan theih bal rua lo hlah maw? Cakei he aa hawikom mi pa, Mang Pu kong? Na turun le Krifabu seh awk ah a ra mi, na cohlan hna caah, Turun hna thahnawn Ni a phak tikah, thih lakin nan ṭap caan a phan tikah, Pathian he i ceih te ko uh! Mipi leicun a chimh awk a pit cang. Profet Amos nih Phanat (Kedan) tua khat men in Mi sifak le Ngakṭah kingro a zuartu Luban le Tuukhal nan si. Dantat Ni le Pathian thinhun nak hrai in nan luat lo hrim, a timi PATHIAN BIA a tling cang rua.

Fianternak: Aa tel lomi Pastorte (A dinfelmi Tukhal) ka ti chih hna loh!

Credit:Saya Rung Kaw