Phakanh Vawlei Tang Rian Tuantu Mipi Minung Sawmnga Tluk Meithal An Pek Hna Ramkhel Lei A Cawlcangtu Mipi An Kawlter Hna

Thawngpang dangdang: Ralhrang pawl cawlcangh cu mipi le mipi tu kahdoh ter in thah nawnter an kan timh cuahmah.Hpakant (Phakanh) ah SAC phu leitang pawl le ralkap hlun minung 50 tluk meithal zuun khat cio an pek hna, ramkheel ah a cawlcang mi kawlram mipi hna lak ah i cawh in kherhlainak tuah ding le cu bantuk minung hna kawl le hlat an fial hna tiah theih a si.

Zinmarpin ah Palekbawi CDM a tuah, amah zaka ah a nulepa an tlaih hna.Sagaing Ramthen Zinmarpin Palek sakhaan in Palekbawi (Sergeant) cu August 20 zing ah CDM a tuah i a zaanlei ah SAC ralkap, zapi thuam aa hruk i meithal aa put mi nih a nulepa an hung tlaih hna, tiah Myanmar Now nih a tial.


Uknak thalo a hramphuukti ding SAC ralkap pawl KNDF nih sawm.August 20, Karenni PDF nih Uknak thalo a hramphuukti ding ah SAC ralkap pawl an sawm hna, tiah theih a si.”Rammi mizapi sin ah aa fon mi SAC ralkap cu a nunhimnak kong ah tuanvo kan laak lai i mizapi sin in hmuh mi laksawng (tangka) zong pek a si rih lai,” tiah KNDF nih an thanh.

Myanmar ram tuanbia a dotdot in zoh tik ah ralbawi hna nih anmah rum nakding ruah ah an kuttang ralkap hna nunnak, thisen le thlanti he rian an tuanter hna kha hmuh a si ca ah KNDF sin ah i fon ding in an sawm hna.MAH le a milaang pawl nih nawlngeihnak an fir hnu thla 6 chung ah CDM a tuah i mizapi sin ah a dir mi SAC ralkap hi 1500 hrawng an si cang tiah ralbawi pakhat nih a chim bal, tiah Khit Thit Media nih a tial.

Credit: THT