Philippines Cozah Nih A Ram Mi A Tuah Ning Hi Tlangcung Mi An Kan Tuah Ning He A Khat Ngaite

Philippin ram hi President Rodrigo Duterte nih kumthum chung bak a pen cang i hi kumthum chung a pen chungah hin a mah ram mi bak minung tamtuk a thah cang hna ruangah meitheih khawh lo mi Big Brother-style tiah min a phuah mi pawl hna nih cun President Rodrigo Duterte cu ralrin nak an pek i a ram chungmi cungah ning canglo in rian t’uanti lo dingah an chimh.

 

Cun Liberal Party pawl hna zong nih President Rodrigo Duterte i a ram chung nunchimhnak caah a hman mi policy cu remh,thlen dingah an ram chung Senate majority hruaitu pawl hna sin ah a mipi hna he an chim ve.a si na in cu an mipi hna cu President Rodrigo Duterte hnu zultu pawl hna nih an kaa an rak phih hna i Philippin ram chung tikhulh khua um mi vialte hna cu duh thimnak nei kho lo bak in a tuah hna tiah an chim.

 

Cun President Rodrigo Duterte nih cun Senate majority hruaitu hna lak ah a tam u hna cu a mah lei ah a t’anter hna pin ah a mah nih ceikhan awk a herh a ti mi lawng biatak tein ceihkhan piak dingah an ruah fawn i President Rodrigo Duterte cu kum 22 tiang khi cu philippine ram uk bawi t’uan dingah Senate majority hruaitu pawl hna nih cun an ruah.

 

Cun philippines ram mipi hna le party dangdang hruaitu hna nih cun President Rodrigo Duterte nih China cozah hna cu a mah duh ning in pehtleihnak a tuah peng hna caah a tu ning tein cun China cozah nih philipin ram chungah zalon taktak in an cawl cang te lai,hi thil hi Senate majority hruaitu hna nih phunghramthar nan kan ser piak a hau tiah an au mi cu President Rodrigo Duterte nih mipi duhthimnak nei lo bak in a tuah peng hna tiah an chim.

Source: BBC

Author: Salai Ephraim