Buchuk Aung San nih a rak roh tak mi a inn lo cu a tu ah Pi Aung San Suh Kyi nih um nak ah a hmancuahmah.Buchuk Aung San nih a roh tak mi inn lo konghe pehtlai in an chim mi cu,”a tu ah Pi Aung San Suh Kyi nih um nak ah a hman cuahmah na in Pi Suh Kyi laihri tlai a si mi a U Pu Aung San Oo nih a chuh cang lai”tiah an chim.Pu Aung San Oo nih hin Buchuk Aung San ro cu a co dih cang lai tiah an chim.
Buchuk Aung San nih a roh tak mi hna inn lo hi Ekah 2 tluk in a kau mi a si.hi kongah mipi nih an ruah ningah cun Buchuk Aung San rothil hna cu Pi Aung San Suh Kyi nih a co dih lai tiah an rak ruah.Pi Aung San Suh Kyi le Pu Aung San Oo hna hi Nu chul pakhat ah hrin mi an si.Buchuck Aung San nih Pi Khin Kyi sin ah a ngeihmi hna an si.asina in an hngakchiat lio tein hmun khat ah a t’hanglio mi an si lo.hmun dangdang ah a um mi an si tiah an chim.
Buchuk Aung San ro kongah Pi Aung San Suh Kyi nih a mah min lawng tein zei zong te a chiah dih tik ah a chuahpi a Upa Pu Aung San Oo nih kawlram phungning le Upadi ning tein Aung San Suh Kyi cu a cuh peng ruangah Buchuk Aung San nih a ro tak mi hna inn lo kum saupi a fa Nu nih a hngah cangmi cu a lak piak t’han lai tiah an chim.Pu Aung San Oo nih hi inn lo a ngeih khawh nak ding caah kum 2001 lio in buaibainak a rak tuah peng tiah an chim.
Cun, a U pa nih cuh mi Inn lo hna hi kum 1988 lio in Pi Aung San Suh Kyi cu a hngah mi a si cang.hi inn lo konghe pehtlai in Pi Aung San Suh Kyi nih a rak chim bal mi cu,”Buchuk Aung San nih a kan roh tak mi inn lo ah hin Kawlram hruaitu dih lak hna le Kawlram kongah rian t’uantu hna bawlte si seh,bawipi si hna seh hi inn ah a luhlo mi an um lo.cucaah hi inn hi cu Buchuk Aung San nih a fa le ca lawng si lo in kawlram hi a roh tak mi a si caah kawlram konghe pehtlai in thawnglatu hna siseh,thil sining fiang tein theih a duh i thawngpang hlathlaitu hna caah le Rampi caah a zungzal in ro bantuk in ka chiah lai tiah a rak chim.
Source : Red News Agency
