Israel President Reuven Rivlin nih cun West Bank ram chung khuapi a si mi Hebron khuapi chungah remdaihnak taktak a um kho bal lo.mah hi thil hi t’ha tein kan ruah a si ah cun Israel ram le Palestine ram mi hna ruangah a si.hi tibantuk in Israel le Palestine karlak thil umtu ning cuanh tik ah Hebron khuapi chungah remdaihnak taktak zei tik hmanh ah a um kho ding a si lo caah khi khuapi chungah remdaihnak a len khawh nak ding caah cun Israel nih biachahnak kan tuah a herh cang tiah a chim.
Cun,Hebron khuapi chungah remdaihnak taktak a um khawh nak ding caah Israel nih kan thilti khawh nak cu lungrual tein kan langhter awk a herh.a mah belte lungrual nak a um lo a si ah cun Israel le Palestine ram karlak thil lawng si lo in Israel rawh duh in rian a t’uan cuahmah mi vialte hna nih a tu nak fak in buaibainak a chuahter khawh tiah a chim.
Hebron khuapi hi Palestine nih an mah ram khuapi bak ah an chiah mi a si.Jerusalem in meng 30 tluk hrawngte lawng a hlat.cu pin ah Hebron khuapi cu Palestine cozah nih an mah state chungah an khumh peng mi ram a si fawn.asinain Israel President Reuven Rivlin nih cun Israel thazaang bak in ven i khi khuapi cu Jews miphun hna le Kiryat Arba miphun hna len nak ram ah kan ser lai tiah a chim.cun,khi khuapi chungah remdaihnak taktak a um khawh nak ding caah Hebron khuapi cu hmun hnih ah kan cheu lai i khat lei le khat lei ah Jews miphun hna le Kiryat Arba um nak kan ser piak hna a hau tiah a chim.
Cun, a tu lio i Israel le Palestine ram karlak kan buaibai mi zong hi Jews miphun hna le Arabs miphun hna hi i rem te le i daw tein hmun khat ah rian t’uanti kho usih law cu nih cun tampi a remh lai.cucaah kan ral kan tei khawh nak hnga ding caah a pakhat nak ah a herh bik mi cu kan mah le kan mah tiah a ruat mi hna, kan karlak ah remdaihnak le i zawn ruah nak, luangrual nak taktak a um ta a hau tiah 1929 lio Muslim pawl hna nih Jews miphun an rak thah mi hna philhlonak caah caan an hman nak hmun ah a chim.
Source: Israel
