President Putin nih a chimmi cu, nitlak lei ram pawl nih hin vawleipi phung hman buai in midang an hlen tawn hna. Phihkhaarnak a phunphun hna hmang in an duhmi a chuah khawhnak ding caah rian an ttuan tawn. Hi thil pawl hi thilttha an si ko. Kim Jong Un nih North Korea le US biakchawnhnak rian a ttuanmi hi a ttha ngaingai mi a si. US he an karlak a tthat khawhnak ding caah hin rian kan ttuantti hna lai.
Russian RIA news agency nih cun, Putin le Kim summit hi minutes 50 hrawng a si lai, tiah an chim. North Korea nih US le South Korea raltuk cawnnak cu an duhlo ngaingai nak kong an langhter. Kan duh ah cun hibantuk in raltuk cawnnak cu kan tuah ve khawhmi a si ko, tiah an chim.
Russian lawmakers pawl nih cun UN nih North Korea phihkharnak in hremnak a tuahmi hi ngol seh, tiah an duhnak an chim. Russian President aiawh biachimtu Dmitry Peskov nih cun, the Kremlin nih North Korea kong hi vawleicung ram ram 6 hna lawng nih an daihter khawh lai. Hi ram 6 hna nih hmunkhat te ah hnatlaknak an ngeih hnu lawng ah hi buainak hna hi daihter khawh a si lai, tiah a chim.
Cu ram 6 hna cu; South Korea, China, Japan, Russia le US hna he hmunkhat ah khuakhaan nak ngeih hnu lawng ah daihter khawh ding a si, tiah a chim. Hibantuk in a chimnak nih a langh termi pakhat cu, North Korea economics hi US kut lawng ah ai hngat loh ti langhternak a si. US lawng silo in a dang ram hna kut zong ah hin North Korea economics hi ai hngat vemi a si caah hmunkhat te ah hnatlaknak ngeih an duhnak hi a si.
Hlathlaitu mithiam pawl nih an chim ning ah cun, hihi North Korea Peninsula ah Russia a biapit zia langhternak pakhat a si, tiah an chim chih.
