Pu Biaka Le Pu Sanga Hna Oneness Le Trinity Debate Luklak Ngaih Awk Tlak An Si Loh

Ka theih tawk ah, Mizoram le Laitlang ah UPC khrihfa buu hi nehsawh le nek le soisel an tong ngai, a bik in Mizoram ah. Mizo media tampi zongah UPC neknak bia tam ngai an post lengmangmi ka hmuh. An capo saih zuamnak (Comedian Search) le a dang zongah UPC pawl an nek ning hna le capo an saihnak hna hmuh ding a tam ngai fawn.

Oneness an zumhnak, Bawi Jesuh min lawng in tipil an innak ruangah, an lu ah puanrang an i khuh ruangah, an laam ruangah (a can ahcun UPC an laam ninghi phung dangte a si ttheu ve), le holhtheih lo kan ti ko lai cu mah ruang pawl ah soisel le nek an si tawn. Khrihfa a si vemi capo i i saih men le nek zong cu ruah awk ngai a si ve.

Pathian hna teh a tla hnga maw ti hna ruah a hau. Mizoram ah an chim tawnmi pakhat le bang cu UPC tamnak khua poah an tthangcho lo ti si.Laimi (Chinmi) le Mizo nih Khrihfa buu pakhat hmanh kan dirh lo i doctrine (zumhnak tlaihtleng zong) kan sermi an um lo. Zeitluk hmanh in i soisel hna hmanh uh sih law buu a dirhtu le doctrine a sertu mirang pawl nih an remh hlei lai lo.

Bible cu hrilhfiah ning le hmuh ning a dang cio ruangah Khrihfa buu tampi a chuahnak zong a si. A tak te cun Protestant khrihfa buu vialte zong RC buu in a chuakmi lawngte kan si ve ko hna. Bible kum tampi a kaimi caah cun Pu Biaka le Pu Sanga debate zong ngaih awk tlak ngai a um lo ka ti/ngaih an phu lem lo ka ti.

Credit: Van Tum.

Author: Salai Ephraim