Pu Biden Caah Mangchia Um Nak Nei Lo Pawl Ruangah SUnglawihnak Tuah Ding Ngolter An Si Hoi

Capitol Hill in khan khat lawng a hlatnak Navy Yard pawng i, homeless pawl an umnak hlei tang in meikhu an hmuh caah Biden Inauguration rehearsal an tuahmi cu an ngolter hna. Capitol Hill le a pawngkam vialte lock-down an tuah dih. Main Stream Media pawl nih cun Trump Supporter pawl an puh manh cang hna. Homeless pawl nih an hmanmi rawlchuannak propane tank a puah caah a si an ti.

 

 

 

Washington D.C khuachung vialte cu khuabawi, Murial Bowser nih emergency declaration a tuah i, President Donald Trump sin ah security a hal bantuk in President Donald Trump nih National Guard minung thongkul renglo a chiah piak hna. Biden nih biakamnak a tuah tiang emergency declaration a hmun lai. Meithal a tlaihmi hna nih meithal he lamzawhnak an ngei lai tiah FBI nih ralrinak an pek hna caah atu bantuk Security chah deuh in an tuahnak a si.Credit: Salai Lairam Thang

 

 

 

 

Relchap: Democratic Party, liberal ruahnak deuh in a kalmi, thuk piin le kau piin a kalmi, mi zapi ca a ttha ding in khua a ruat i daihnak le remnak a duhmi, hmunhma le vawlei cu a kau deuhdeuh lai i Republican Party, conservative ruahnak deuh in a kalmi, ruahnak bituk le mi tlawmte ca lawng a ruatmi, ruahnak hlun le chanhlun a tlaih chanmi, a puarhrang mi, vawlei le hmunhma cu a bi deuhdeuh ve lai. Democratic party i rianttuan dan le kalpi ning cu Pathian nih a fapa, Bawi Jesuh hmang in vawlei cungmi vialte caah rian a ttuanning he a lo/a khat. Cuve bantuk in Republican party i rianttuan dan le ruahnak le kalpi ning cu Pathian nih Biakam hlun chung i a thimmi hna, Isarel miphun ca lawng bak i rian a ttuan ning he a khat/a lo ti khawh a si. Asinan Pathian nih cun a fapa pek kan si te lainak kong cu Biakam hlun chungah a rak phuang cang/a rak chimchung cang, a profet hna hmang in.

 

 

 

Frankly Graham i a sining a nunnak dihlak chungah 100 ah 65 hi ka lung a tling lo ngai. 100 chungah 45 tluk ka lung a tlingnak cu Pathian rian caantling in a ttuannak ah le zeidang thil a tuahnak ah a si i ka upat. Amah hi biatak tein Trump cu US president sinak caah le thim tthannak ding caah hehtiah a lamkip in a cawlcangtu a si. Evangelical phungchimtu hna lakah Jerry Falwell Jr., James Dobson le Kenneth Copeland zong Trump thimtthan a si khawhnak dingah biatak tein a aumi an si ve. Pathian rian caantling in a ttuanmi nih an i thawh riangmang i Pathian i hmanmi le thimmi bantuk in Trump cu Graham nih a dirpi mi le a ttanpi mi cungah keicu ka mawhchiat ngai. Republican party chung in a fel deuh le a ttha deuhmi, a dirpi le a ttanpi ahcun a ttha ko a zia ko ka ti. Cun Pathian rian caantling in a ttuanmi nih thimnak ah a cuhmi hehtiah vote kawlpiak cu a dawh deuh lo ka ti. A luan deuh ka ti.

 

 

Bawi Zisuh zultu, Jeim le Johan a lo ka ti. Matthai 20:20-28 chungah kan hmuhmi cu Jeim le Johan i nu nih a fapa le pahnih caah Bawi Zisuh cu a orhlei le a kehlei tthut ding in a halpiak hna i Bawi Zisuh nih fak piin a sik hna. Mi fapa i a rian kha an i fiang lo. Anmah i Bawi Zisuh an zulhnak a ruang le an rian zong an i fiang lo ti khawh a si. Sunparnak le nawlngeihnak an duh tuk. An ramri lengah an pet. Cuve bantuk in, Graham zonghi a rian lengah a pet deuh. Sunparnak le nawlngeihnak a duh tuk ve. A pa, Billy Graham i minthangnak le larnak cu amah nawlneihnak le larnak, hlawknak le sunparnak caah hmang a timh ve ti khawh a si.Franklin Graham i a ruahnak, a kalpi ning le Trump a ttanhning le politics ah a telning hi ka zohtik ah Kawlram i Buddhist phungki, mi ttha lo taktak, Ashin Wirathu he khan an i lawhnak a tam ngai ka ti. Time magazine zongnih Wirathu cu “The Face of Buddhist Terror” tiah an cover ah an rak ti kha.

 

 

 

Wirathu i a ruahnak, a kalpi mi, le a timhmi pawl cu Kawl ralkap cozah uknak ttha lo kha a dirpi, tlangcung mi vialte a kan rem lo, Rohingya muslim zong a rem hna lo i Muslim dang le Khrihfa le Hindu le biaknak dang zong a kan rem lo. Biaknak le miphun karlak zongah buainak a chuahpi lengmangtu a si. Tthat lo leiah vawlei pumpi in a min a thang. Daw Aung San Suh Kyi le NLD party zong a rem hna lo i hehtiah a doh hna. Buddhist biaknak, Kawl ralkap cozah le Kawl miphun ca lawngah biatak tein a cawl i a ruatmi a si. Mah ruangah a phungki hawi tamdeuh zongnih an rem lonak a si.Franklin Graham zonghi Wirathu phun in a kal ve. Vunrang Khrihfa tlawmpal ca, US ram ca, le mirang ca lawngah a cawl ve. A kalpi ning le a ruahnak a bi tuk lawmmam deuh ka ti. Republican party chung in minung pa 10 nih Trump impeachment dingah an lung a tling ve ruangah “ningzak” an si a timi khi a palh tuk ka ti. Khrihfa mi nih cun a palhmi le a sualmi cu dirpi phung a si lo cu mu kanmah lei minung an si zongah. Khrihfa mi nih cun dinnak, biatak le a hmanmi kha ralttha ngai in kan dirpi ding lehlam tuk a si deuh ka ti.

Credit: Van Tum