Pu Kap Thio: Tlangcungmi Vialte Hna Kum 70 Renglo Kawl Nih An Kan Pen Cang Lungrual Tein Kan Dir Caan A Cu Cang Lo Maw?

Vawlei cung ram vialte hna lak ah mah le ram le miphun a cawisang tu paoh cu mi nih upat mi ah an cang.kan nih Chin miphun zong nih kan ram ah mah miphun Party cawisan le thapek zia thiam hna usih law zei tluk lunglomh awk dah a va si hnga?a bik in Chin state chungah cun miphun dang an tlawm i lungrual tein kan t’ant’i hna a si ah cun teinak cu kan co hrimhrim lai.kawlram state dang le Shane, Kachin le hmun dangdang hna ah cun kawl miphun nih an leirawi khawh tuk cang hna i Bama Affairs Minister tiangin an ngeih dih cang hna.

Chin state ah cun miphun dang sin ah mah duh thim nak hmang kho lo in Vote a pe dingmi hna cu Cozah rian t’uan lawng an si caah lungrual tein mah miphun party dirkamh zia le thapek zia kan thim a si ah cun Kawl party dang hna nih MP an tlin khawh nak ding lam a um loh.kawlram sining kan thei cio bantuk in kum 70 renglo an kan uk cang i,kawl uk nak tang chuak kho lo bak in caan sau tuk kan um cang.vawnlei cung Politics rian t’uan ning a dan bantuk in kawlram Politics zong a dang cuahmah ve ti kan theih.

Kap Thio photo.

Kawl ralkap kut tangah kan kun i Tlangcung mi hna cu lungrethei le awlawk chong in khua kan sak ruangah ramdangdang ah Tlangcung mi kan i t’hekdarh dih cang.kum 2020 rampi ithimnak tal ah hin cun Tlangcung mipi kan dih lak in kan mah le um nak hmun cio ah teinak hmu kho cio usih law.Central ah majority hmuh khawh nak ding caah Tlangcung MP pawl hna i cozah ( Coalition Government ) an tuah khawh nak ding caah kan lungrual a herh taktak.

 

Cu hnu ah kawl party pawl hna he “deal” tuah a si lai i Tlangcung mi nih kan dihlak in kan duh mi Federal system i uk nak cu a tak in kan ser siam kho deuh hnga maw? ti hi a si.lungrual tein kan um i kan duh mi a tlin khawh lo hmanh ah kawl kut tang in sal kan tan nak in kan dir hmun cu a remh deuh hrimhrim lai.a tu bantuk in Chin state pakhat CM zong nih zei hmanh a thil ti khawh nak power a hman khawh lo mi hi cu lung a fak tuk.ca reltu nang te zei tin dah na ruah ve?

Siaherhnak he
kan vahnak ram in
Kap Thio,US

Related Posts