Pu Kim Jong Un Nih A Thli In Mi A Thahnak Hmunhma Pawl An Phozar Piak Cang Hih

North Korea ram chungah a thli in mi an rak thah hna nak hmunhma pawl cu hmuh a si.South Korea NGO Transitional Justice Working Group pawl hna nih an chim ningah cun North Korea ram chungah North Korea cozah nih a thli in mi a rak thah hna nak hmun 318 bak hmuh a si.North Korea ram chungah a tu bantuk in mithah nak hmun an hmuh mi hna hi vawlei cung ram tam u hna nih cun mah bantuk in i thah le i nawn cu Nu hrin covo zei rel lo a si caah ti in an mak dih cang mi a si tiah an chim.

Cun North Korea ram chungah a thli in mi thahnak hmun an hman mi hmun 318 hna cu North Korea cozah nih a tleih mi le mithahnak ah a hman mi hna an si tiah an chim fawn.South Korea nih a chim ningah cun North Korea cozah nih mithahnak ah a hman mi hna hmun zei maw hna cu mipi tlawnlennak hmun a si mi Sianginn pawng le Barzar,thonginn chung le kirawn hmun pawngah hmuh an si tiah a chim.cun North Korea nih a mi thahnak hmun ah mipakhat khat a thah hna ah cun an thah mi a chungkhar le a cingla rualchan pawl hna cu an duh lo bu bak in an zohter hna tiah an chim.

Cun North Korea cozah nih a thah mi hna cu an ruak zong an chungkhat le hna sin ah an pek mi hna nak in an pek lo mi hna an tam deuh tiah an chim.cu hlan ah cun North Korea cozah nih thong a tlak mi hna cu an tlak nak a thonginn chung lila ah a rak thah tawn hna na in an thah hna nak hmun le hma hna cu hmuhkhawh a si lo tiah an chim.cun North Korea cozah nih mi a thah nak hna konghe pehtlai in mi zei hmanh nih dothlatnak an rak tuah ngamlo na in a cozah nih labour camp ah mi pakhat cu a chiah i cu nih cun hi thil hi a hmuh chuah mi a si tiah an chim.

Labour camp ah a um mi pa nih a chim ningah cun kum 2000 lio ah khan North Korea cozah nih hi tibantuk in mi a thah mi hna le hremnak a pek mi hna cu chanh dingin rian a t’uantu China ram mi minung pathum hna cu North Korea cozah nih a rak tleih hna i thonginn chungah an thah lio hna cu an chung le zohter an si tiah a chim.

Source: BBC

Author: Salai Ephraim