American Congress party pawl hna nih Trump cozah le Iran cozah karlak thil umtu ning cu zei set dah tuah nan i timh ti mi a sullam taktak fianternak nan tuah lo a si ah cun Iran ram cungah Trump nih zei thil hmanh nang mah nawl in tuah nak nawl na neilo tiah an phomh.Secrectary of State Mike Pompeo nih cun Iran cungah zei thil hmanh tuah kan i tim lo i Iran nih nuclear hriamnam ser a timh mi le hriamnam dangdang hna ser in ramdang ah zuar a timh mi hna hi a pehzulh lo dingah Iran cozah he remdaihnak tuahtu hi kan i timh mi cu a si deuh tiah a rak chim.
Cun Defense Secy Patrick Shanahan le Chiarman of Joint Chiefs of Staff Gen.Joseph Dunford hna zong nih Iran ram kongah Secrectary of State Mike Pompeo nih a chim ning bantuk tein an chim peng ve an biachim mi hna hi a kalh nak le an bia a lawh lo nak aa dan nak pakhat te hmanh an um lo.amahbelte Iran nih US he remdaihnak ser a duh lo i a hriamnam hmang in US cozah ralkap cungah thil pakhat khat a tuah a si ah cun a tuah ni bak in Iran ram cu a dih ti nak a si ko lai tiah an chim.
Cun hnu ah cun Trump le a hnuzultu pawl Defense Secy Patrick Shanahan, Chiarman of Joint Chiefs of Staff Gen. Joseph Dunford,Secrectary of State Mike Pompeo hna nih cun US Congress pawl hna sin ah Iran he an karlak thil umtu ning cu fianternak tuah ah a t’ha ko lai ti’n chim fian nak cu an tuah taktak.Trump hnuzultu pawl hna nih cun Middle East ram ah kan cozah ralkap kan chiah mi hna khi Iran ram a vengtu lawng si lo in ralhrang pawl hna vengtu ah le thil t’halo a chuahter khotu thil a vengtu dingah kan chiah mi hna an si tiah an chim.
Cun Iran cozah le US cozah karlak thil umtu ning hna cu cu hlan i an bia ning te in an chim.cun hi tibantuk in Trump cozah nih Congress pawl hna sin ah fianternak an tuah dih bak ah hin Israel ramngiatu hna sin in thawngpang t’ha lo ngai mi Trump cozah sin ah report an rak tuah.asinain cu report an rak tuah mi hna cu zei set dah a si tiah an langhter chih lo.
Source: CNN
