Pu Trump Cu US President Ah A Tling Than Hrimhrim Lai Ti A Si Than

US President hlun Pu Trump cu kum 2024 US rampi ithim nak ah ai tel i President ai cuh a si ah cun fawi tein a tling hrimhrim lai tiah a mah dohtu Senator Mitt Romney nih a chim.Senator Mitt Romney hi cuhlan ah cun Trump a dohtu le a hua taktak tu a si na in New York Times’s Deal Book DC Policy Project an tuah nak ah bia a chim i Donald Trump hi 2024 thim nak ah ai tel a si ah cun fawi tein tei nak a hmuh hrim lai tiah a chim.

 

 

A Chim ningah cun Trump nih US president a t’uan lio ah khan a mah tluk in thil a tikhawh nak a nei mi an tlawm te pin ah 2021 US nomination vialte hna lak zong ah a cuang khun,a mah a tei khotu ding taktak cu an um hraw loh.Polls ah hmat an hmuh ning zoh le kherhlai tik ah Trump cu a tla ngai na in 2024 ah cun President Trump a tei kho ding an um ti lai lo tiah a chim.

 

 

Asiah Trump cu kum 2024 ah rak chuak t’han sehlaw na dirkamh lai maw tiah bia an hal i a leh mi hna cu President Trump cu rak i cuh t’han hmanh sehlaw ka vote in ka dirkamh hlei lai lo.zeicatiah Trump cu a hlan in a tu tiangah ka dirkamh mi le vote ka pek mi a si bal lo.anah belte Republicans wings a dirkamh i ka ruah nak a ka hrawmpi mi hna mipi duh ning tu in vote cu ka thlak te lai tiah Senator Mitt Romney nih a leh hna.

 


Former Danish Prime Minister le Co-chair of Facebook’s Oversight Committee chungtel tling a si mi Pi Helle Thorningnih cun Donald Trump case hna cu a thar in zoh le kherhlainak tuah t’han a si.zeicatiah Trump nih cun a facebook hmang kho ti lo in an kham mi cu awn-ON piak dingah nawlpatnak a tuah.asinain Facebook nih Donald Trump sining cu thla hnih chung zoh t’han in kherhlainak tuah a si lai tiah Pi Helle Thorning-Schmidt nih cun a chim.

Author: Salai Ephraim