Pu Trump Nih A Herh A Si Ah Cun Nuclear Bomb Puah Cu Ka Fawih Tuk

American president Trump cu UK ram a va tlawn nak ah Iran le US cozah karlak kongah biatam pi a chim i,cu bia a chim mi lak ah cun Iran nih US duh nak a cohlan lo i a mah duh ning in rian t’uan peng a timh a si ah cun kan i kap bak ko lai,a mah belte Iran nih US cozah he remdaihnak taktak ser le Ca buaicung ton biaruahnak neih a duh ah cun kan nih US nih cun remdaihnak tuah dingin timhcia peng kan si ko tiah a chim.

Cun UK hrambunh ITV’s Good Morning rian t’uantu Pier Morgan nih cun Trump cu Iran le an karlak thil um ning fian tein a hal tik ah Trump nih cun Nuclear bomb puah dingah thil har a si lo i a herh a si ah cun Nuclear bomb a zaang cu kei mah nih hmeh dingah timhcia ka si,a mah belte cu Nuclear bomb puahtu ding ah rian i khinh cu thil har taktak a si na in a herh ah cun fawn tein kei mah nih ka hmeh lai tiah a chim.

Cun Pentagon official hna lak ah mi tampi hna nih cun an um kal nak ah Nuclear hriamnam puah khawh nak ding code number hna le a Nuclear button hna cu i ken a si.a mah belte cu hna lak ah nawl neitu taktak le a puahtu ding taktak cu minung pakhat te lawng chiah a si.cun zei maw ral a thawh a si ah cun cu Pentagon official hna nih cun Nuclear bomb cu puah khawh nak nawl a nei mi an um tiah a chim.

Cun US Nuclear Command Center ah US president hna nih order pek thenglo in a herh ning in Nuclear bomb puah nak nawl le thilti khawh nak nawl neihter an si fawn.cun US president hna nih cun khua zei paoh ah tlawng in um kal hna hmanh sehlaw an um kal nak hmun kip in US Nuclear Command Center cu Nuclear bomb puah nak dingin order a vun pek khawh fawn hna tiah a chim fawn.

Source: CNN

Author: Salai Ephraim