Pu Trump Nih Biatak Tein Rian Khinh Dingah Mi A Dirkamh Mi Hna Cu A Tlinglo Mi An Um Bak Lo Hih

Britain prime minister Theresa May nih a biachim ning bantuk tein a rian cu a chuak tak cang tik ah Theresa May rian chawngtu dingah Conservative party member chung tel minung 1,60,000 hna nih a ho dah a t’ha lai? tiah zoh fel nak an tuah.cun,Theresa May rian chawngtu dingah hin mipi hna nih a ruah cem mi hna cu Mr Boris Johnson le foreign secretary Jeremy Hunt hna hi an si.

Foreign secretary Jeremy Hunt hi America president Trump a soisel ngaingai tu a si pin ah a thawh i Trump nih Theresa May cu zei ah a rel lo,Theresa May zei ah a rel lo mi hi Britain ram zei ah a rel lo bia a si,a tu hnu cun Britain ram caah Trump nih ruah nak a kan cheuhmi hna cu zei hmah kan lak piak in kan zulh piak awk a si ti lai lo tiah Trump cu a rak soisel i thawngzamhnak zong a rak tuah baltu a si.

 

 

Cun, Mr Boris Johnson hi Trump nih cun Britain prime minister riankhinh dingah biatak tein a tawl relpi mi a si.Trump nih cun Theresa May nih a rian a chuah tak a si ah cun,a mah rian chawngtu dingah Mr Boris Johnson hi a t’ha cem lai.zeicahtiah cun Theresa May nih a tuah khawh lo mi thil le laklawh ngai in rian a chiah ta mi hna cu Mr Boris Johnson lawng nih hin a peh zulh khawh lai tiah a rak chim.

Conservative party member chung tel minung 1,60,000 hna nih an vun tawlrel tik ah an rak chim ning bantuk tein Mr Boris Johnson le foreign secretary Jeremy Hunt hna cu an mah pahnih lak ah pakhat chingchang lak dingin biachah nak an tuah taktak. chung tel minung 1,60,000 hna nih vote lak nak an vun tuah i,foreign secretary Jeremy Hunt lei in vote 46,656 lawng a tla.Mr Boris Johnson lei in vote 92,153 a hmuh tik ah a tling.

 

Prime minister Theresa May nih cun july 24.2019 ah Queen Elizabeth a va ton lai i cu vial cun a rian cu a chuah tak cang lai.cu hnu ah Mr Boris Johnson cu Britain prime minister riankhinh cawlh a si ve lai.Mr Boris Johnson rian t’uan ning le Theresa May rian t’uan ning hi an i khat ngaingai i,Theresa May nih European Union le Britain ram karlak ah rian laklawh ngai in a chiah ta mi hna cu peh zulh in kalpi a timh tiah an chim.

Source: BBC

Author: Salai Ephraim