Pu Trump Nih Kum 2020 American Election Caah Biatak Tein Rian Tuan Hram A Thawk Cang

2020 United States presidential election caah president Trump nih june 19.2019 bak in timhlamhnak a tuah ve cang.Trump nih cun US president a rak i cuh lio i a mah a rak dirkamhtu hna Florida khua chungah khuasa mi hna cu ton biaruahnak a neihpi t’han cang hna.Florida khuapi chungah a mah a dirkamhtu mipi hna sin ah cun kum 2020 United States presidential election ah teinak kan hmuh khawh t’han nak hnga biatak kan chuah t’han hna lai tiah a chim.

Cun Trump nih cun Florida khuapi cu kei mah pumpak inn a si.Democrats hruaitu hna nih hin American ram chung cu rawh dih le t’hekdarh dih zong a poi an ti lo cu caah nan mah le kei mah nih American ram hi an kut in kan humhim lo a si ah cun ram an hrawh dih khawh mi a si tiah mipi hna sin ah cun a chim.Trump nih 2020 United States presidential election ithimnak caah hi tibantuk in timhlamhnak a tuahmi ah hin White House Officials VP Mike Pence le Sarah Sanders hna zong nih an telpi ve tiah an chim.

Cun America President Term 2nak ah teinak ka hmuh khawh nak ding caah cun mipi hna kut ah ka um i.kum 2020 ithimnak ah teinak kan hmuh khawh t’han a si ah cun mipi hna cu hna-bei dawngin kan chia hrimhrim hna lai lo. cu caah hi i thimnak ah hin teinak hmuh hrimhrim dingin le kei mah rak ka dirkamhtu si dingin kan nawl t’han rih hna tiah a chim.cun American khuapi cu a tu nak t’ha in kan sersiam t’han rih lai tiah a chim fawn.

Trump nih hi tibantuk in Florida mipi hna sin ah bia a chim mi le kum 2016 lio i mipi hna sin ah a rak chim mi hi pakhat te hmanh a dang lo i,cu hlan ah mipi sin ah a ram chim mi ning tein a tu zongah minutes 80 chung bak bia a chim t’han rih tiah an chim.cun American ram chungah phungninglo in mipem le ralzam a luh mi minung vialte hna zong American ram in chuah dih an si lai tiah a chim t’han rih.

Source: CNN