Pu.Trump Nih Raltuk Nak Tilawng Hman Cawk Lo Kan Ngei Tiah Iran A Hro Than Cang

Iran nih UK ram ta tilawng a tleih piak hna pin ah ,Iran nih UK tilawng cungah cun an mah aalan’flag’lawngte a tar tik ah UK nih hi kan tilawng a tleihmi va hlam dingah ka hriamnam le ka ralkap hna cu zei maw zat ka ratter hna lai tiah Iran sin ah a chim.cu hnu ah American president Trump nih cun Iran ram nih thil t’ha tuah duh lo in thil chia lawngte a tuah peng caah Saudi Arabia ram chung Prince Sultan Air Base ah ka cozah ralkap zei maw zat kuat an si cang tiah a chim.

American cozah nih hin Saudi Arabia ram chung a si mi Prince Sultan Air Base ah a cozah ralkap le ahriamnam a chiah ti lo nak hi kum 15 tluk a rau cang.kum 15 hnu ah a tu hi American nih a chiah t’han mi an si.Prince Sultan Air Base ah US ralkap a phan cangmi hna hi minung 500 renglo an si pin ah raltuknak fighter jets le air defense missiles zei maw zat kenter an si tiah an chim.

 

Cun, Trump nih a chim mi cu Saudi Arabia cozah ralkap hna le American ralkap hna nih cun a herh ning paoh in Iran ram kongah rian an t’uan cang lai tiah a chim.cu pin ah Iran nih UK tilawng a tleih piak mi hna cu Iran nih zei ka tuah ti a theih loh.UK ram tilawng cu tleih piak hmanh hna sehlaw American ram nih hman cawk lo raltuknak tilawng kan ngei tiah a chim.

American Central Command nih cun Saudi Arabia cozah ralkap le US ralkap hna nih cun i bawm in rian an t’uan ti lai i a herh an ti ning paoh in Iran ram cungah rian an t’uan lai tiah a chim ve.cun, Saudi Arabia ram chung a si mi Prince Sultan Air Base ah hin cu hlan ah cun American nih a cozah ralkap minung 60,000 renglo a rak umter peng hna na in 2003 lio khan US nih a lak dih t’han hna hnu ah a tu hi Trump nih Iran ram konghe pehtlai in a thar bak in a ralkap pawl hna cu chiah hram a thok tiah an chim.

Source: BBC