Pu.Trump Nih Ramdang Mi Hna Lak In A Ram Chung Computer Networks Humhimnak Dingah Veto Power A Hman Than Lai

American president Trump nih cun US ram a hua mi ralhrang hna le ram dang mi hna lak in US ram chung computer networks a ven khawh nak ding caah a mah duh paoh in rian a t’uan khawh nak ding caah Veto Power hmang t’han ding in biachahnak a tuah t’han.

 

Cun hi order a chuah mi nih hin US ram chung telecom company pawl hna cu ramdang thil zei hmanh hmang ti lo ding in a khap fawn hna tiah an chim.

Trump nih a ram chung computer networks humhimnak konghe pehtlai in Veto Power hman a timh nak hi China ram company lian cemmi Huawei telecom company hna hrem a duh ruangah a si lai tiah mitam pi nih an chim.

 

Cu thil konghe pehtlai in Chinese tech an rak dirh/sertu Ren Zhengfei nih cun Trump nih hi thil a tuah mi cu US ram chung company tampi nih China Huawei telecom company’networks’a hmang mi an um i China nak in a ram chungah harsatnak a chuak deuh lai tiah a chim.

 

Cun Federal Commission Chairman Ajit Pai nih cun Trump nih a ram chung computer networks humhimnak caah Veto Power hmang ding in biachahnak a tuah mi hi thil t’ha taktak a si tiah Trump cu a conglomh.

 

US cozah nih cun China,Huawei telecom network company hna nih cun telecom network tampi a ser hna hi cu a sermi thil hna cu vawlei cung ram dih lak ti awk ah a phanhter dih i cu telecom network hmang cun China nih ramdang mi ngiatnak ah an hman tiah an puh.

 

Cun vawlei cung ram dihlak hna nih China i a ser mi Huawei next generation 5G networks ti mi hi an t’ihkhun mi a si caah Australia le New Zealand cozah hna nih cun an ramchung ah hmang bak lo dingin a khap cawlh.

 

Source: NEWS18.com

Author: Salai Ephraim