Kan theih bantuk in vawlei cung ram uk bawi vialte hna lak ah American president Trump le Vice president Mike Pence bantuk in Khrihfa a humhim tu an um loh.American ram chung vialte ah American policians pawl hna nih Trump cozah cu a lam kip in an doh cuahmah hna pin ah zumlotu politicians pawl hna nih a lam kip in American ram chung Khrihfa zong an doh cuahmah hna.
July 7.2019 ah American ram chung khuapi a si mi Texas state chungah a um mi khuafa te Hawkins khua ah cun an khua chungah “Jesus Welcomes You to Hawkins”tiah banner an tar i, politicians pawl hna nih an rawh piak hna.hi a rawh piaktu hna hi American President Trump cozah a dohtu hna an si pin ah hi thil an tuahmi nih hin Khrihfa biatak tein doh an timh nak hmelchunh nak an si tiah an chim.
Hawkins khua ah hin minung 1300 tluk te lawng minung an um nak khua a si i,an dih lak ti awk in khrihfa an si. American politicians pawl hna nih Hawkins khuami hna cu nan khua chungah “Jesus Welcomes You to Hawkins” tiah banner nan tar mi cu nan rawh dih lai tiah an chimh hna tik ah an rawk duh lo ruangah court ah tazan an cuai t’han hna i court nih rawh piak dingin biachahnak a tuah piak hna caah zumlotu pawl hna nih an rawh piak hna hi a si tiah an chim.
Hi konghe pehtlai in cu tibantuk in “Jesus Welcomes You to Hawkins”ah an tar mi rawh pian dingin biachahnak a tuah piaktu hna Court bia ceih zung le taza a cuaitu hna politicians pawl hna cu American church’s legal counsel nih cun Hawkin khua ah an tar mi “Jesus Welcomes You to Hawkins” banner cu a rawktu hna nih a hmunte ah an tar/chiah t’hanlo a si ah cun an cungah lehrulhnak tuah ve dingin thawngthanh nak an tuah ve tiah an chim.