Pu Trump Thawngin South Korea Ram Le Israel Ram Hna Cu Remdaihnak Taktak An Tuah Kho Cang

American ram le North Korea ram karlak ah remdaihnak taktak an tuah khawh nak hnga ding caah South Korea ram nih lam a sial piak cuahmah hna bantuk in American ram zong nih South Korea le Israel ram karlak ah remdaihnak taktak tuah kho dingin lam a sial piak ve hna i,Trump nih a tinh ning tein July 17.2019 ah khan Israel president Reuven Rivlin le South Korea cozah hna nih cun remdaihnak taktak an tuah cang tiah an chim.

Cun, hi remdaihnak an tuah khawh nak ding caah Israel president Reuven Rivlin cu South Korea ram ah a kal i a tu hi mi ram ah a um cuahmah lio a si.kap hnih ram nih remdaihnak an tuah lawng hmanh silo in,hmun khat teah biatak tein rian t’uanti dingin le i pehtleihnak taktak ngeih dingin biachahnak zong an tuah cawlh fawn tiah an chim.

Hi konghe pehtlai in Israel President Office nih a chim ningah cun Israel president Reuven Rivlin nih hin a tutan South Korea ram a kal nak ah North Korea le Skorea ram ramri hna cu zei dah a lawh tiah a mah pumpak bak in zohfelnak zong a neih piak cawlh hna tiah an chim.cun, president Moon Jae he Israel le South Korea ram chawlehnak caah ( free trade agreement)zawng an tuah.

Israel president Reuven Rivlin S-Nkorea ramri ah khua a cuanh lio photo.

Cun, kaphnih cozah ralkap cawlcangh nak le training tuah khawh nak ding caah biachahnak an tuah pin ah kaphnih ram Sianghleirun kai mi hna nih zalong tein fimthiamnak an cawn khawh nak hnga ding tiangin remdaihnak biahren an tuah fawn tiah an chim.a mah belte South Korea ram chungah Israel president Reuven Rivlin hi zei caan dah a cam lai tiah theih a si lo,a tu tiang cu a cam cuahmah rih ko tiah an chim.

Source: BBC