Ukilip kung cinak caah Chin state Hluttaw Speaker telh in municipal chairman hlun U Thla Hre le Hluttaw palai cheukhat hna nih Bung Zung khua pawng leiram acre 100 cu kum 15 caah minthut tiah chinworldmedia nih cun a chim.hi leiram min an thut mi hi social media cheukhat hna nih cun a cozah phungning in an tuah mi a si lo tiah an chim.asinain hi konghe pehtlai in Chin state Hluttaw Speaker Zo Bawi nih cun hi thil kan tuah mi hi cozah phungning kalh in kan tuah mi a si lo tiah a chim.
Cun, khi hmun caah ralkap chan lio in ralkap hmunhma a rak si dih.khi leiram acre 100 caah khin a cozah sin ah kum khat caah Ks.50,000 ngunkhuai kan rak pek peng.cu man cun Ukilip kung 60,000 kan phun.a cozah zong nih pungsan 7 in an kan tuah piak mi hmun a si tiah a chim.Chin ram chungah Tawlteba cin kan vun theih bantuk in Ukilip kung zong hi cin hna uzih law.Chinram chungah Tlanglo thlawh rian t’uan hi tlawn deuh sih.kan loram hmun hma in chawnva tampi hmu kho usih tiah kan duh tiah a chim chap.
Chinram chungah Ukilip kung hi a hman nak a um lo tiah an ruah men lai na in Ukilip kung hna hi plywood caah hman khawh a si.tachunh nak ah Tlanglo thlotu pakhat nih Ukilip kung 100 a cin i felfai tein a zoh khawh a si ah cun ramdang ah kuli hlawh ah kal a hau lai lo.zeicatiah KNU pawl hna khi Thailand ram in a rak kir mi hna loram t’uantu hna caah tiin Ukilip kung ting 13 renglo an cin piak hna.cu ve bantuk in kan nih Chinram zongah Ukilip kung cin a duh mi hna caah cun t’uanvo ngeitu hna sin ah hlathlainak an rak tuah kho tiah a chim.
Ukilip kung hi kum 5 ah cun a puitling mi thingkung ah a cang kho.Kayin ramkulh chungah Ukilip kung a cin mi hna khi a rau cang.an nih cun hlawhtlin nak an hmuh ngai cang caah Ukilip kung pakhat ah Ks 1,50.000 in an zuar.a kung a fa deuh mi an si ah cun Ks 50,000 in an zuar.curuangah kan nih Chinram chung zongah mah bantuk thil kan tuah mi hi Tlanglo thlawh in a paw a cawm mi hna caah duhsak nak lianpi he kan tuah mi tu a si.an mah caah bawmchantu t’ha cem a si te lai tiah a chim.
Credit: Free