Pu Zo Bawi nih a chim mi cu kum 2020 rampi ithim nak ah hin NLD nih teinak kan hmuh hrimhrim lai.cun, kum 2020 ithimnak lawng si lo in NLD nih cun kum 2030 tiang hmanh khi chim hau lo in teinak cu kan mah kut ah a um i 2030 tiang zong ithim nak ah cun teinak kan hmuh peng lai tiah July 9 ah khan the hakha post ah fiang tein a rak chim bal cang.
Pu Zo Bawi cu Chin miphun nih kan theih bantuk in a tu hi Chin ram Hluttaw Speaker le Chin ram NLD Chairman a t’uan cuahmah lio mi a si.hi ti bantuk in bia a chim mi hi a fawi nak in kan chim a si ah cun Chin miphun hna nak in NLD kawl minung pawl he an i neih niam deuh ti usih law kan palh tuk lai tiah ka ruat lo.cu pin ah Pu Zo Bawi nih Chin miphun hna thinlung a hmuh taktak ti cu a fiang mi a si ko!
Ruahlen awk a si mithil pakhat cu kan rak chim cia bangin kawl miphun nih kum 70 renglo pi chung an kan pen cang i mah chungah cun Chin ram le Miphun t’hancho nak taktak zei dah an kan tuah piak mi a um? ti hi a si.Pu Zo Bawi nih a chim chap mi cu Kawlram chung party vialte hna lak ah cun NLD party lawng hi Kawlram a remh kho dingmi le a sersiam khotu ding an si tiah a chim.Pu Zo Bawi nih hi bia a chim ah hin CNLD Chin party an dir cang.
A fawi nak in kan chim a si ah cun NLD party nih hi hnu kum 100 tiang hmanh khi rak kan pen rih hmanh hna sehlaw? Chinram le miphun t’hancho nak cu an kan tuah piak lai tiah i ruahchan awk zei hmanh a um loh.zeicatiah cun cu hlan chung vialte an kan pen chungah zei dah an kan tuah piak?a tu ah cun Pathian nih Chinram le kan miphun a sersiam tu dingah CNLD Chin party a kan pek cang.NLD cu zei tluk hmanh in va cat in t’hawngt’ha hmanh hna sehlaw Chin ram caah cun vote kan pek len awk an si ti lo.
Chinram caah CNLD Chin party vote kan pek awk a si cang.Chin miphun caah Chinmi,Chinpa caah Chin Nu(Laipa caah Lainu)NLD nih zei tik hmanh ah na ruak an fimtawl lai lo.Laimi cu Laimi nih kan o fimtawl ko.Laimi kha kawlpa nih a fimtawl ti mi na thei bal maw?CNLD nih ram le miphun caah rian an t’uan khawh nak hnga ding caah nang mah le kei mah an kan herh tuk.lung awt’awm in na um len awk a si ti lo CNLD ah vote pe ko? CNLD nih tei nak a hmuh a si ah cun tei nak na hmuh/ka hmuh a si ko.
