Kalay,Sanmyo ah CNLD nih Signboard tarnak a tuah nak hmun ah Pu Zo Zam nih a chim mi cu a tu CNLD party hna hi cuhlan ah Chin party a rak t’uan mi hna bantuk kan si.CNLD party min chiatnak bia le thil dawhcah lo tampi kan chim lengmang awk a si lo.CNLD party cu mipi nih ruahnak lengin an kan dirkamh caah kan i ruahlo pi in rian hma kan tei khawh nak cu a si tiah a chim.
Pu Zo Zam nih cun CNLD party konghe pehtlai in mipi nih an chim mi cu a hlan lio Chin party bantuk men ah an ruah i,CNLD party chiatnak le dohkalh nak lawngte an chim caah a tawi fiannak in a tu CNLD party cu cuhlan Chin party bantuk men kan si lo ti hi ka chim duh mi cu a si tiah a chim.mipi nih CLND party chiatnak le dohkalh nak,dawhcah lo bia hna hi tampi kan chim awk a si lo tiah a chim fawn.
Cun, hlan lio Chin party tiah kan rak chim mi hna cu Pu Ram Ling Hmung le a hawi le hna nih an rak dirh mi CNLD, Unuh chan lio i Chin National Congregate timi Chin Party an rak um bal cang i Pu Ngaisak zong nih Chin World Media rian t’uan tu hna he interview an ngeih nak ah Chinram CM Pu Za Hre Lian cu sinak duh ruangah Chin National Congregate, Phah Sah Pah Lah ah a t’hial.
Cun, a tu CNLD kan ti mi cu CPP , CNDP le CLD fonh in dirhmi a si.cu pin ah a tu Chin party hruaitu hna lak ah Pu Ngaisak le CNF hruaitu Rampi daihnak a tawlrel cuahmah tu Salai Lian Hmung Sakhong hna zong an um.cu caah mipi nih CNLD party cu zei hmanh an si lai lo. an mah le an mah an mual an i phote lai tiah an chim phuan mi hna cu ningcang lo thil a si tiah a chim.
Credit: Salai Khum
