Pu Zozam nih a chim mi cu CNLD Chin party a duhlo i a huatu hna cu Chin miphun a dohkalhtu an si tiah a chim.hi tibantuk in Pu Zozam nih a chim mi a ruang cu,”mah nawl lawngin mi a uktu”dictator”sullam hi a chim duh deuh mi cu a si”mi pakhat khat nih cu hlan ah thil t’halo a si ah thil a rak tuah sual mi hna kha va purhdah piak lo in an thangchiat nak lawng kha kan chim lo awk a si tiah a chim.
Chin miphun nih CNLD cu ka duhlo tiah kan chim awk hrimhrim a si lo ti khi a chim duh mi hi an si.a bia ruah ah cun a fak ngaingai ko.asinain Pu Zozam nih hi bia a chim nak hi a ruang tampi a um.a tu lio ah pakhat le pakhat kan i pehtleih nak facebook chungah CNLD cu zumh awk tlak an si lo ti mi biafang tampi a hmuh tik ah a thinlung a fak i,khuafak pi in a ruah hnu le hmailei thil a cuanh tik ah thil a si te dingmi a hmuh mi khi a vun langhter mi a si tiah an chim.
Cun,Minung hi kan sinak kan i khah dih lo tik ah micheu hna cu mi hmaika ah biachim a thiam ngaingai mi le mithin lung a thei kho ngai mi kan um.Pu Zo Zam cu Pastor zong a si lo pin ah mi hmaika ah biachim thiam zong a si lo tik ah a tutan a biachim mi hna hi ruahtik ah mah nawl lawngin mi a uktu”dictator”lei hoih in a chim duh mi a si lo ti a fiang bak.a chim duh bik mi hna hi ruah tik ah mipi lei in mah nawl lawngin mi a uktu sinak le mah ruahnak lawng in thil kal seh ti mi hi um hlah seh tiah a duh nak a si cem.
Fimthiamnak a ngei bak lo mi hna le lothlo fate kan si zongah mah le mah i thangt’hat nak le kei mah bia lawngin bia si seh ti mi ruahnak le ah nawl lawngin mi a uktu si duh nak a ngeih mi lungput a pu tu tampi kan um tawn.curuangah mipi nih zei bantuk minung dah ka si ti mi hi kan i theih awk ah a t’ha tiah a chim.Hruaitu Upa te hna nih mah ti’n a t’ha lai tiah khua an khan mi hna cu mipi nih lungrual tein zulh khawh kan i zuam awk an si.CNLD hruaitu hna hi “dictator” ruah nak a kengtu an si tiah mah le mah kan i soisel len awk a si lo.zeicatiah an thinlung zoh tik ah cu tibantuk ruah nak a keng mi mi zei hmanh an um lo tiah a chim.
Credit: Salai Khum
