Chin Ramkulh Cozah nih Lothlo pawl le ram ngeitu hna cung ah upadi ning le cunglei in Vice President 2 Pu Henry Van Thio nih a chimg ning in rian an tuan lo caah a herh ning in taza ka cuai hna lai tiah August1 ah Pu Lian Mawng nih a chim.
Chin Ramkulh Hlutaw Chairman Pu Zo Bawi, Lamsul lei Minister Pu Sui Thio le Sipin Director hlun Pu Thla Hre hna hi Pupa ram le lothlo hna cung ah a thatnak in tawlrel piak ding ah May thla chung ah Vice President Pu Henry Van Thio nih a auh hna i rian tuan ning a chimh ko hna nain an tuan lo caah a herh ning in taza ka cuai hna lai,tiah Pu Lian Mawng nih The Voice of Democracy ah a chim.
Hi kong he pehtlai in ,zei hmanh ka thei lo,Vice President Pu Van Thio zong nih a kan au bal lo tiah Hlutaw Chairman Pu Zo Bawi nih The Voice of Democracy ah a chim.Lothlo Phu hna le Ram ngei hna kong ah Vice President Pu Henry Van Thio nih a kan au bal lo.Lian Mawng chim mi hi a dik lo,a si lo ning in bia an chim le an ka puh ahcun a poi tuk lai, hlan ah cun rian ka tuan lio a si caah zeiti an ka ti zong ah ka let thiam hna lo, a tu cu ka manh tuk cang i ning cang lo in ka kong an chim ah cun upadi ningin ka lehrulh cang hna lai tiah Pu Tha Hre nih The Voice Of Democracy ah a chim.
Hakha lothlo Phu hi phung ning tein registration ngei mi kan si ban tuk in Chin Ramkulh Cozah nih a herh ning in aa kan bawmh ding tu a si.Asi nain lothlo pawl zeirel lo le nawl ngeihnak hmang in kan Vawlei a kan chuh tiah Pu Lian Mawng nih a chimchap.Lothlo Phu hi phung ning in registration an ngeih kan thei lo.Nypydaw ka kal lio zong ah Ramchung humhim nak lei Minister ka hal tik ah kan theih pi mi an si lo tiah a ka chim, ti in Chin Ramkulh Hlutaw Chaiman Pu Zo Bawi nih The Voice of Democracy ah a chimchap.
Credit: The Voice of Democracy
