Hakha Innhmun Ekah 676 Soknak Kong Mizapi Sin Thawngthanhnak;Tuandeuh soknak form cung ah 17.8.2019 tiang form zuar a si lai i 18.8.2019 in 31.8.2019 tiang sok khawh a si tiah langhter a si nain cunglei upa nawlpeknak in soknak form cu 12.8.2019 in August thla thih tiang form ap khawh a si tiah mizapi thawng kan in thanh hna.
Chairman;Ekah 676, Vawlei Hmun Peknak Committee,Hakha. Credit:The Chinland Post
Salai Lungthli Tum: Hmaizarh khi cozah nih phung lo sakmi inn vialte a t’heh piak dih hna lai Hakkau le mifir an tah/aihram caan a phan tinak a si.
Hakha pawngkam hmun lawng vialte cu hakkau le mifir hna nih anmah duh in an fir i thirhri in an kulh, camphio inn hmete an sak cio. Cuticun, ‘kanmah hmun, kanmah inn, kanmah dum’ tiah cozah theihpinak license zeihmanh ngeih loin an humhak.
Hmaizarh khi cozah nih phung lo sakmi inn vialte a theh piak dih hna lai. Hakkau le mifir an tah/aihram caan a phan tinak a si.Cozah nih firmi inn pawl an hrawh tikah mifir lei in a tangmi an um len te lai. Abik in Chin party upa cheukhat le an puppet media pawl an si lai. Anmah lila hi firmi hmunhma a ngeitu an si ve.
Hakkau lamzawhtu phu: ‘Hakha ram chung hmun lawng vawlei vialte kanmah ta a si, hmunhma samh ding kan siang lo, nan samh ahcun phaisa kan liamh u. Inn lo ngeilo caah hmunhma samh a timhtu cozah an rian phuah uh’.
Keimah Lungthli Tum bialeh: ‘Hakha ram chung hmun lawng vialte a ngeitu cu pumpak or hakkau phu pakhat menmen nan si lo, mizapi hi a ngeitu kan si. Mizapi kan vawlei kha cozah nih a herh ning in a tawlrel awk a si. Hakkau tuk ruang ah kokek kan si ee pupa ram ee ti len awk si lo, Hakha khua tlatu pupa cu kan dihlak i kan pupa an si ko. Kan hakkau tuk caah kutdok kan tuan tiah fiang tein chim lawlaw ko u’.Salai Lung Thlitum.
Chief Minister, Hluttaw Speaker le Transportation Minister rian dinhter hna u, ti mi tel in Hakha Pupa ramngei hna nih duhlonak lam an zawh lai Tiah an rak chim mi;
Hakha Pupa ramngei hna nih 2019 July 31, zinglei suimilaam 10:00 in zaanlei suimilaam 4:00 tiang duhlonak caang 16 au in Hakha khuachung ah lam an zawh lai, tiah kan theih.Hi lam an zawh ding mi he pehtlai in innhmun thar samh mi area 100 acre, 676.45 le khuapi area 28,000 acre le Falam Peng Laizo vawlei kauh mi kong duhlonak a si. Hi lamzawh nak cu Thantlang le Falam lampial ah mizapi i ton hnu ah Bogyoke lampi in minung 500 hrawng nih lamzawh ding in timh a si, tiah kan theih.
Atang lei bantuk hin an chim dingmi hna cu an si lai;
1. Chinmi kan nunphung bantuk in lo thlaam (Thehpiak lo ding thehpiak lo ding) 2.Hakha khuapi 43.90 sq miles Sipin ramri um kan duhlo (Kan duhlo kan duhlo) 3.Chief Minister Pu Salai Lian Luai, Hluttaw Speaker Pu Zo Bawi le Lamsuul Minister Pu Sui Thio (A ran khawh chung in rian dinhter hna u.a ran khawh chung in rian dinhter hna u) 4.Sifak santlailo hmunhma zuarthlai in khuaram thanchoter timh (Kan duhlo…kan duhlo)5.Chin Ramkulh chung ah vawlei hmun lawng a um lo (Pupa ram le vawlei lawng a um…Pupa ram le vawlei lawng a um)6.Vawlei chuhnak uapdi he aa tlak in zohfelnak tuah loin upadi lonh in nawlngeihnak hman (Ngol ding…ngol ding)
7.Chin miphun kan nunphung le kan covo (Upat u.upat u) 8.Rampum huap in vawlei le hmun upadi ning in an tuah nain Chin Ramkulh Cozah nih cun (A tuah lo.a tuah lo) 9.Mizapi nih pek mi nawlngeihnak kha mah pumpak thatnak ca ah ziknawh eihmuar (Hman lo ding…hman lo ding) 10.Mizapi duhning in upadi hmual ngeihter ding (Kan rian biapi…kan rian biapi)11.1984 kum vawlei chuhnak kong he aa pehtlai mi upadi hmual ngeihter ding (Kan rian biapi…kan rian biapi)
12. Hakha khuachung pungluutlo hmunthar samh timh mi kan duhlo (Kan rian biapi…kan rian biapi)13.Chuh mi vawlei le hmun a ngeitu sin ah pek zokzok ding (Kan rian biapi…kan rian biapi)14.Chin miphun Nuhrin Covo kilven ding (Kan rian biapi…kan rian biapi)15.Lothlo hna pawcawmnak thanchoter ding (Kan rian biapi…kan rian biapi)16.Chin Ramkulh Cozah ziknawh eihmuar doh ding (Kan rian biapi…kan rian biapi).
Hi kong ah lamzawh ding an hruaitu phone kan chawnh nain khual a tlawn lio a si ca ah a hmuarka kan langhter kho lo. Mizapi Laithuam he chuah cio ding ah sawmnak zong an tuah, tiah kan theih.