Ka hmuh ning;Pu Ngun Thawng hi naite ah NLD party ah a lutmi a si pin ah mifim a si i upat tlak ngaingai mi zong a si fawn.Pu Ngun Thawng ka hmuh ning le a tu lio Kawlram Politics ka hmunh ning tlawmpal in vun langhter ka duh! Kawlram Politics chungah NLD party vunchim lo in cun Democracy pary pi chim ding a dang an um lo.Kawlram Politics ah NLD nak in Federal Democracy Policy cu Pinlong lungtlinnak in cakhenh mi chungah a um cang.cun, Pinlong cakhenh lio ah hin NLD party hi teh an rak um cang maw?
Cun, NLD nih Federal duh lo in Democracy lawng maw an duh?Kawlram, Tlangcung miphun hna nih kan duh taktak mi hi Federal Democracy Party an si lo maw?asiah teh, NLD nih Federal Democracy cu a duh taktak lo maw?Pu Ngun Thawng zong nih an mah pumpak bak in Federal Democracy Party duhlo in le ithim duhlo in Democracy Party lawng maw a duh ne?timi hi ruah lo awk a t’ha bak loh.
Cu pin ah Mipi hna hmai ah “aanasiin Party” sin ah a Bawinak pek zong a duh fawnlo.Tlangcung miphun hna nih cun tuchun ni tiangin Kawl kawl miphun nih an pen mi mi an hruai mi NLD le USDP cu “aanasiin Party ” an si tiah kan ruah peng rih hna.a ruang cu NLD le USDP party hna nih Pinlong cakhenh a biapi mi 10 hna cu a biapi ah an ruat lo.Pinlong Cakhenh 10 sersiam a duhtu hna cu Tlangcung miphun kan si.Curuangah Tlangcung miphun hna nih cun NLD le USDP party pawl hna sin ah cun Bawi sinak cu kan khinh t’han hna awk a si ti lo.
Kawl thluak le zik nawh eihmuar nak in rian t’uantu Bawi le Party, minung hna nih cun Kawlram cu Democracy ram siter an duh.asinain Ram le Miphun t’hachon nak le ram a dawt taktak tu hna nih cun Kawlram cu”Federal Democracy” ram siter an duh deuh!Kawlram ithimnak ah cun Party pakhat khat cu mipi nih vote tam bik an pek mi le vote tam bik a hmu khotu party nih teinak an hmuh ko lai.Pyithawngsuh Hluttaw ah MP minung (333) a hmu khotu Party lawng nih a cozah a dirkhawh lai.Kawlram nih ithimnak “Election”a hman ning hi PR system, MMP system, FPTP sytem dah?ti hi kan i fian a hau.Curuangah rinhchan a tlak ngaimi Falam NLD Party Committe chungtel pawl hna nih t’hutdenh sang duh ruangah au men men lo in le mipi hlen rian t’uan hna hi an tuah lo awk ah kan duh ngaimi a si.NLD hi zumh hlei tuk awk pakhat hmanh an um lo.lih,hrawk-hrol a tam tuk.
By-Salai Thang(Chin State Federal)
