Vawlei cung minthang taktak mi South Korean actress Jeon Mi Sun cu tuchun ah Jeonju hotel North Jeolla a um nak ah a ruak in char a si tiah an chim.actress Jeon Mi Sun thih nak konghe pehtlai in The movie star talent agency pawl hna nih an chim ningah cun,cuhlan ah actress Jeon Mi Sun nih hin ( depression ) zawt nak a rak nei cia mi a si i,a tutan a thih nak zongah cu a zawt nak depression cun a thi mi a si lai tiah an zumh i an chim.
South Korean actress Jeon Mi Sun hi kum 50 a si cang na in hngakchia te a lo peng rih.Chonbuk University Sianghlei run ah sunglawi taktak in Nu le ni( Mother Day) hmang ding a kal nak ah Jeonju hotel ah a riak i cu a riah nak ah cun a thih hi a si.North Jeolla fire department t’uanvo neitu hna nih an chim nak ah cun actress Jeon Mi Sun a thi tiah thawng kan theih cu june 29.2019,Korean Standard Time suimilam 11:43 am hrawngah a si tiah an chim.
Cun,a thihnak hmun kan va phanh ah cun actress Jeon Mi Sun cu zohkhenhtu a ho hmanh a rak nei lo,a mah te lawng cu ti cun a rak ril ko tiah an chim.Actress Jeon Mi Sun management agency Boas Entertainment nih an chim ve ningah cun actress Jeon Mi Sun cu a khual tlawn nak ah a ruak in char a si i,a thih ning hi depression zawt nak si dawh a si caah a ruak cu Sizung ah zohkhenh cuahmah lio a si tiah thawnhzamhnak an tuah.
Cun,actress Jeon Mi thih nak konghe pehtlai in North Jeolla fire department nih cun Palik kut ah a thihnak case cu kan pek hna tiah an chim.asinain a thih nak konghe pehtlai in zei ti set in dah a thih ti cu biafiang a um rih lo.
