Rakhine Ram Chungah Chin Mi Pakhat Cu An Mah Inn Chung Bak Ah Tuksum Taktak In Thah A Si

Rakhine ram chung Ann pengah a um mi Meletmawng khuapi ah Chin miphun bak a si mi U Khaing cu a mah um nak inn chung bak ah mizei ti theihlo mi hna minung 4 nih an fuh i a inn chung bakah namte in tuksum taktak in thah a si tiah an khuabawi pa nih a chim.hi tibantuk in U Khaing a mah inn chung bak ah thah a si hi Sep 9 zaan suimilam 11 hrawngah a si tiah a chim.

Hi konghe pehtlai in Meletmawng khuabawi U Wai Lyn nih a chim ningah cun U Khaing hi tlaanglo thlawh in a paw a cawm mi a si pin ah Nupi fate he khuasa mi a si.Fanu kun 2 rual a ngei mi a si tiah a chim.an thah ning hi hmun tampi in Namte in an sawh i a ruak hi sep 10 ah vui a si.U Khaing i a inn chungnu nih cun mui lak ah namte in an sawh i an mui hmai zong hmuh khawh an si lo.mi zei bantuk muisam keng dah an si ti zong ka thei kho hna lo tiah palik sin ah a chim.

 

Meletmawng Pentlang palik pawl hna nih cun U Khaing cungah thil a cangmi hi AA hriam tlai pawl hna thil tuah mi si dawh a si.cu caah Meletmawng khuami mi dang dang hna zong ralring tein nan um awk a si lai tiah an chim. Meletmawng khua mi pawl hna zong nih hi thil a tuahtu hna hi midang si lo in AA hriam tlai mi pawl hna thil tuahmi a si ko tiah an zumh.

Cun,Rakhine ramkulh Sittwe hrambunh DMG thawngzamhtu hna nih cun U Khaing lawng si lo in Meletmawng khua mi minung 4 hna cu AA hriam tlai pawl hna nih zaan an ih karlak ah namte in an thah hna tiah a chim.cu lawng si lo in Sep 10 zaan ah khan Rakhine ramkulh chung asimi Tekanthawnggyi khua ah minung 2 hna cu zaan ah an hnawng an tan hna i motor lampi ah an chiah tak hna.

Credit: chindwinpost

Author: Salai Ephraim