Rakhine Ram Chungah Chin Nu An Tuahto Ning Cu Dah Ngai A Fak Ko Mu

Kawlram chung a si mi Rakhine ram chungah Kuaukphyu khua ah a um mi Chin Ngaknu pakhat Mai Tin Me Win cu a rian t’uant’i hawi a si mi Mr Tin Aung Su nih ningcanglo in mawt’aw ‘CAR’ chungah a luhpi i tleihhrem a timh ruangah Nu nih a leh ve i Ppa nih cun faklak in a vuak/velh tiah theih a si.

Cun, Chin Ngaknu Mai Tin Me Win le Mr Tin Aung Su hi i t’uai in dinei dawr “rawldawr” atuah t’i mi hna an si.Mai Tin Me Win hi a mah pumpak thilherh ah khual a tlawng i,cu ti bantuk in khual a tlawn karlak ah cun Mr Tin Aung Su nih cun an i hrawm mi DAWR cu midang sin ah a rak zuar diam i an thilri pawl hna cu a mah inn ah a rak i chiah dih tiah theih a si.

 

Mai Tin Me Win nih a khual tlawn nak in a rak tlun tik ah DAWR an tuah nak thilri hna cu tingco ve dingin Mr Tin Aung Su a hal tik ah an karlak ah buaibainak a rak um cang.cu hnu ah Mr Tin Aung Su nih cun Mai Tin Me Win cu kan karlak thil um tu ning fiangte in theih na duh a si ah cun mawtaw ‘car’ chungah lut law bia kan i ruah lai a ti i a sam in a rawt i mawtaw chungah cun a ka rawt tiah Nu nih a chim.cun, ka hrawm in a ka dih in mawtaw chungah ningcang lo tuah a ka timh tik ah ka au i rak kan bawm ulaw tiah ka rat tik ah kan pawngkam um mi mipi hna nih an kan chuah hnawh.

 


Mipi an rak chuah ah cun Mr Tin Aung Su cu a mah mawtaw ‘car’ in a rak zam manh.hi tibantuk in Mr Tin Aung Su nih ningcanglo in tuah a kan timh cuahmah lio ah hin kan DAWR ah rian t’uantu hna minung 4 nih an kan hmuh ko na in an kan zoh sawhsawh tiah a chim.cun,Mr Tin Aung Su le Mai Tin Me Win karlak thil um tu ning hi Online chungin Mai Tin Me Win nih a rak phozar caah Mr Tin Aung Su nih Tin Me Win cu thah a timh.rian an rak t’uan’ti lio zongah Tin Aung Su nih a rian t’uantu hna thlahlawh pek dingmi hna hi pe hna lo in a mah pumpak duh herh ah a hman peng. Kuaukphyu khua palik nih Mr Tin Aung Su cu an tleih i poh-mah 323 le 354 in biachahnak tuah piak a si lai tiah an chim.