Rakhine ramkulh chung a si mi Tayettawng khua ah a um mi Laitak Sianginn ah Ca chimtu a si mi Saya Soe Win Than cu Sep 17.2019 zinglei suimilam 7 ah a mah um nak Inn chungah hri in aa awk in a thi tiah Kanthawnggyi khuapi Sithanasin siatton hruaitu U Maung Cherry nih a chim.Saya Soe Win Than Cawng Saya a si bantuk in Sianginn boda inn an sak mi ah a um mi a si tiah a chim.
Cun,Saya Soe Win Than a thih lai te ah hin a hringtu a Pa he zong lungduh bia an i ruah cuahmah ko.cu ti bantuk in a Pa he lungduh bia an i ruah dih bak ah a mah um nak ihnak khan chungah hri in a mah le a mah a awk hi a si tiah an chim.a thah lai ah hin a ho hmanh lut kho lo dingin a inn cu a hrenh dih i a ruak an lak zongah a inn ka an bauh hnu lawng ah inn chungah an lut kho i a ruak hi an lak khawh tiah an chim.
Saya Soe Win Than a thih nak konghe pehtlai in Tayettawng khuami hna micheu khat nih an chim ningah cun Saya Soe Win Than nih ka Pa tiah a kawh mi Pa hi a hringtu a pa taktak si lo in a Pa ei a si tiah an chim.cun,Saya Soe Win Than hi zuding paoh te a luan i ningcang lo le khuahngal set lo in um a hmang i khuatuak tan lo huaha in cawlcangh a hmang fawn tiah an chim.
Asinain Saya Soe Win Than thih nak kongah a ruang taktak theih khawh a si rih lo.a cingla rualchan pawl hna zong nih zei buaibai nak hmanh kan ngeilo na in Saya Soe Win Than cu zuding a si caah ningcang lo le khuahngal lo in um a hmang tawn.cucaah a tutan zong hi zu a din nak ruangah thil a cang sual mi a si ko tiah a chung le hna nih an chim.cun,Saya Soe Win Than nih hin Nupi a pahnih nak a ngei i,a Nupi pahnih nak angeih hi ni 7 te lawng a rau rih.an Nupa tein boda ah khuasa mi hna an si tiah an chim.
Credit: chindwinpost
