Rakhine ramkulh chung a si mi Pukkancun pengtlang Yuthazuk khua ah police second lieutenant rian a t’uan cuahmah lio mi pa cu a rian t’uan nak hmun ah namte hmangin an thah tiah theih a si.hi tibantuk in an thah lio hi September 1 zinglei suimilam 7:30 hrawngah a si i Yuthazuk khua bazaar ah theih lo mi hna nih namte bak in an sawh i a um nak hmun in a thi cawlh tiah khuami hna nih an chim.
Cun, September 2 zinglei sangah khuami hna a chawk vat mi hna nih bazaar pawngah an rilh ko cu an hmuh tik ah a sining konghe pehtlai in dothlatnak an vun tuah tik ah cun Yuthazuk palik zungah rian t’uan cuahmah mi a si pin ah Rakhine Ramkulh Pukkancun Pengah Police Second Lieutenant rian a tlai cuahmah mi pa a si tiah an chim.
Yuthazuk khuami pawl hna nih an chim ningah cun Rakhine Ramkulh Pukkancun Pengah Police Second Lieutenant rian t’uan cuahmah lio mi bazar ah namte an sawh lio ah hin mipi tampi hna nih kan hmuh ko hna na in a mah theih ngalh hawi le hna nih sizung ah an kalpi tik ah midang nih cun zei tin set in dah thil a si tiah fiang tein kan thei lo tiah an chim.
Yuthazuk khua bawipa nih a chim ningah cun namte in an sawh mi pa hi police second lieutenant Zaw Min Htay rian t’uan cuahmah mi pa a si na in a tutan thil sining zoh tik ah zei bantuk in dah hmalak ning a si lai tiah a mah rian t’uanti hawi le palik pawl hna nih rian t’uan ning cang le case kalpi ning cang an thei kho rih lo caah thil sining dothlatnak tuah cuahmah lio a si tiah a chim.
Pukkancun pengtlang Yuthazuk khua ah police second lieutenant taksa cungah hin namte sawh nak hma hmun 14 ah hmuh a si na in mi zei dah a thattu an si tiah theih khawh le tleih khawh an si rih lo.cun, August 19 zaan suimilam 6:00 hrawngah khan a tu ah namte in an sawh mi pa hi Kyaukdaw pengtlang palik bawi police major Saw Than Lwin he an rak buai i major Saw Than Lwin zong nih namte in voi khat a rak sawh bal mi a si tiah an chim. hi konghe pehtlai in dothlatnak tuah cuahmah lio a si tiah khuami hna nih an chim.
Credit: chindwinpost