Kawlram chung Rakhine state chungah a um cuahmah mi Rohingya miphun pawl hna cu Kawl cozah nih Rakhine state in a kawlram chung lila a si mi hmun dang kal zong an senhti hna lo.hi ruangah nizan naite ah khan Rakhine ram chungah a um cuahmah mi Rohingya miphun minung 30 hna nih cun Rakhine ram in kawlram khuapi a si mi Yangon khuapi ah kal a tim mi minung 30 hna cu palik nih an tleih hna tiah theih a si.
Kawlram palik nih Rohingya an tleih mi hna chungah hin minung 21 hna cu puitling an si i,a dang minung 9 hna cu hngakchia kum tlinglo hna an si tiah Human Rights Watch nih thanhnak a tuah.cu pin ah Kawl cozah nih nih cun an dihlak in kun 2 chung bak thonginn chungah khua caan rel dingin biachahnak zong a tuah piak cawlh fawn hna tiah a chim.
Cun,atutan i Kawl palik pawl hna nih Rohingya minung 30 a tlaih mi hna cu phungning tein an kong ceih piak a duh lo pin ah Rohingya lei in a dirtu ding lawyer(biaceihtu) zong a pe duh fawn hna lo ti a si.Rohingya pawl hna nih Yangon an kal khawh nak ding caah a thli in a deu “identity card” an ser caah tleih mi an si.an mah konghe pehtlai in mi zei hmanh lawyer dir khawh an si lai lo tiah kun 2 chung thongtla dingin biachahnak an tuah piak hna tiah Human Rights Watch nih a chim.
Cun,an tleih mi hna chungin hngakchia minung 8 hna cu Yangon khuapi chungah an tuahmi “training school” siang inn ah chiah cawlh an si.a mah belte an lak ah hngakchia kum 5 minung a um i cu hngakchia te cu a Nu sin ah thong inn ah chiah chih a si.atutan an tleih mi hna Rohingya miphun hna nih cun Rakhine state chungum cu kan caah hmunhim a si lo caah Rakhine ram in le Yangon khuapi chungah um nak kawl dingin kan rat mi a si tiah an chim.
Source: BBC
