Lungler Ralkap Camp in zu an zuar’ timi fb ah Kawlca in ai tialmi kongah khua upa pathum le keimah bia a kan ruah.Lungler ah police le Ralkap nih zu zuar hrimhrim lo ding le zu dingmi ralkap le police zong fel deuh in Rampi riantuan ding kong biatak tein kan i ceihtti. Mithmuh in zu an zuar taktak ko timi a um lo caah Action lak awk a harnak le an zuar lo hrimhrim ding kong kan iruah hnu ah ai tel kho mi khua upa kha ralbawi nih laksawng a kan thenh.
Khua upa lei zongin ralkap zu zuar cu khua mi nih nawlpat an har tawnnak le hrocer an hman tawnnak kong tiang in kan chim ve. Police zong zu ding lo mi sn hnih rank pakhat tal in chiahpiak chap ding te hna kan iruah.Kan ilawm. Credit: Jimmy Pa Kawi Tial.
Biachap: Thantlang peng ah a um mi Lungler khua upa hna an rian t’uan ning hi zohchun tlak taktak an si.Thantlang khuapi chung um mi kan hruaitu upa hna le Biaknak lei hruaitu hna nih i bawm in caan zei maw zat tiang bak “ZU” zuar lo nak dingin khua an khang i rian an t’uan.asinain an khap kho nemmam loh.an khap paoh le “ZU” man a fak chin chin i a thli in ZU zuar an tam chin.
Lungler khua upa pawl hna nih cun a kawl cozah ralkap he i bawm in an khua chungah ZU a zuar mi le a buaibai mi an um bak ah cun ralt’ha taktak in Action lak dingin biachahnak zong an tuah khawh.Lungler khua ah a um mi kawl cozah ralkap pawl hna zong nih ningcang lo in ZU an zuar i khua chungmi sin ah an cawlcangh a si ah cun Action lak t’hiam ding a si.zohchun awk tlak taktak mi hna cu mah hi an si ko.
