Ralhrang Bomb A Rak Serpiaktu Hna Le A Rak Petu Hna Pa Pakhat Tleih A Si

British ram mi Mr.Jermaine Grant cu Nichuahlei Afirca ram Kenyan ram khuapi Mombasa khua a um nak ah; a um nak Inn cu bomb tarh cia bak in a kulh dih caah Kenyan khuapi palik nih an tleih.

 

Cun a um nak Inn cu palik pawl hna nih an vun chek dih tik ah bomb siam nak le bomb thilri lawng te Kenyan cozah nih a awnh lo mi thil tampi hna cu an hmuh caah Kenyan court ah chuahpi cawlh a si tiah an chim.

 

Kum 2011 lio ah khan Kenyan cozah nih Mr.Jermaine Grant hi voi khat cu an rak tleih bal cang mi a si.kum 2011 lio ah cun a tu bantuk t’hiamthiam in a um nak Inn apartment chungah mi zei hmanh um kal kho lo dingin bomb hri hna cu a rak zam hna i tleih a rak si.

Daily Nation newspaper nih a chim ningah cun Kenyan cozah nih Mr.Jermaine Grant kongah dothlatnak a tuah peng i a tu te lawng hi tehte fiang tein an theih khawh tiah a chim.Mr.Jermaine Grant nih bomb hna cu tampi a ser hna i cu bomb hna cu ralhrang sin ah a zuar i minung tampi nun nak zong a rak lak cang hna lai tiah an chim.zahan ah Mr.Jermaine Grant cu Kenyan court nih kum 9 chung thawngtla ding in biachahnak a tuah piak cang tiah a chim.

Source: BBC

Author: Salai Ephraim