Ralhrang Khuachia Nih Kum Sawmsarih Leng A Pen Cang Mi Chungin Luatter Ding Le Sersiam Dingah Bawipa Ai Tim Cang

SABBATH PHUNG NAKIN PATHIAN VEL A NGAN DEUH Voi khat cu, BAWIPA JESUH nih kum hleiriat chung, thlarau țhalo (Khuachia) nih a zawtter cangmi minu pakhat cu Sabbath ni ah a damter tikah, pumhnak inn zohkhenhtu pa cu a thin a hung i, “Rianțuannak dingah ni ruk pei a um cu; cucaah cun cu ni ruk chungah cun tah nan rat i nan i damter; Sabbath ni ah hin cun ti hlah ngat u,” tiah a ti hna (Luka 13:10-14).

BAWIPA JESUH nih a leh i, “Midepde hna, Abraham fanu, Satan nih kum hleiriat chung a hrenmi hi Sabbath ni ah hin phoih awk a si hnga lo maw?” tiah a ti (Luka 13:15-16).Khuachia nih kum hleiriat chung a țem cangmi, Abraham fanu damternak caah khan, ni ruk chung i damter le ni sarih ni (Sabbath ni) i damter kha biapi a si lo.

Sabath ni ulh timi nawlbia/phungbia nak khan, Khuachia țemțawnmi hna, damter awk le luatter awkah “Thlah” a sinak, PATHIAN Velngeihnak le Zaangfahnak kha a ngan deuh! Satan/khuachia nih, kum sawm sarih leng a țemțawn cangmi, Chin Miphun Luatter le Damter kha BAWIPA nih aa tinh cang i, a caan a phan cang! Hihi BAWIPA PATHIAN Velngeihnak le Zaangfahnak a si i, cheuhra cheukhat phungbia nakin a ngan deuhmi, BAWIPA kan PATHIAN Vel cu a si!

Cucaah, Satan nih kum sawm sarih leng a hren cangmi Chin Miphun Luatnak caah le Damternak caah, ni ruk chung i i damter le Sabath ni i i damter kha a biapi a silo bantuk khan, cheukua le cheuhra kha biapi a si lo. Satan țemtawnnak chungin Chin Miphun Luatter le Damter kha PATHIAN rianțuan taktak cu a si.

Sal santlailo
Tluang Lian (Martar)

Author: Salai Ephraim