Ralhrang Nih Hriamnam Tuk Mi In Mipi Biakinn An I Pumh Lio An Kah Hna Caah Tuksum Hliamtuar An Tam

SAC Ralhrang Hriamngan Kahmi Biakinn Ah A Puak, Mipi Hliamtuar An Tam!Kachin ramkulh Hpakan peng Sankha (ဆန်ခါ) khua khrihfa biakinn ah SAC ralhrang nih an kahmi hriamngan a tla/puak caah tualchungmi 6 nih hliam an tuar tiah theih a si.December 30 chun suimilam 2:00 hrawng ah ralhrang hriamngan kahmi khuachung ah voi 2 a tla/puak hngakchia 2, nu 3, pa pakhat (an dihlak 6) nih hliamhma an tuar tiah theih a si.

“Aizawl” In “Zokhawthar” Kal Mi ‘Sumo’ Mawtaw Minung Phur Accident Naak In Minung Pa (5) Nunnak A Liam!30th December, 2022 (MSR) : Tuzing Suimilam 4:30am hrawng khan, Zokhawthar le Aizawl karlak Minung phur SUMO/mawtaw minung pa 8 cit khawh mi cu ‘Chhungte Daiah’ accident in keng thlang ah a liam i, Minung pa 5 nunnak a liam.Zokhawthar mawtaw hi Aizawl in Zokhawthar kal mi si in, driver ci khat te a mit chinh sual ruangah accident hi cang mi si ti ah an zumh.

Minung pa 8 cit mi lak ah hin nau he si mi nu pakhat le a fanu kum 2 mi an i tal ve, midang hi cu pa lawng te an si hna. Van chiat ruangah Nu pakhat hi a hmunah thi in, a fanu hngakchia hi oxygen he zohkhanh liopi si.SUMO/mawtaw a tlaknak hi a saang ngai i, Lampi taang lamthar (NH6) cawhthar mi ah SUMO/Mawtaw hi zakpathal in a tla ti ah theih si. Mi RUAK le hliamhma tuar mi hna zongh buaipi awk rem lo ngai, a hmunhma chiat ruangah ti ah an chim.A cit mi hna minung hi list um lo ruangah a ho te chung dah an si ti theih khawh si rih lo, Mithi hna cu Postmortem tuah ding in “Champhai” Districy Hospital ah phurh an si. Minung hliamhma ngei mi lak ah minung pa hnih hna cu (Aizawl) ah lanhpi colh an si.

Nunnak Liam Mi Hna…
1. Parthai (Hngakchianu i A Nu) ‘Kawilam’ Khua
2. Mungsiandawnga (37) “Pakzang” Khua
3. Ginsiankhupa (32) “Sialtui” Khua
4. Tialliancheua (37) “Chichai” Khua
5. Lallunghnema (36) “Zokhawthar” Khua
Ref; Mizo Special Report
Credit: Lungmili Post

Author: Salai Ephraim