Ralhrang Nih Iran General Qasem Soleimani Thih Ning Cu pathian Nih IS Dirkamh A Kan Duh Caah A Si Tiah An Cohlan Hoi

Kan rak chim cia bantuk in Iran Major general, Qasem Soleimani cu US ralkap nih an thah caah American le Iran ram karlak thil um tu ning a linsa chin lengmang.Iran Major general, Qasem Soleimani thih nak konghe pehtlai in IS ralhrang pawl hna nih cun hi tin an cohlan ning an phuan cang,”Major general, Qasem Soleimani a thih ning ruah tik ah kan pathian nih IS ralhrang hna hi dirkamh le a kan timh biatu a si caah IS ralhrang hna cu athar in Iraq ram chung i chirhchan in kan dirh t’han lai”tiah an chim.


Cun,Major general, Qasem Soleimani a thih nak ruangah hlawk nak,a miak a hmu tu ding cu ” jihadist” ralhrang pawl hna an si lai. jihadist ralhrang pawl hna caah cun Major general, Qasem Soleimani a thih nak hi a thiang hlim tuk mi raithawinak a si tiah an co hlan fawn.Major general, Qasem Soleimani hi Iran Elite Qud force ralkap hna lak ah an lu cem hruaitu a si caah a liamcia caan zei maw zat lio ah khan American he hmunkhat ah IS ralhrang pawl hna doh dingin biatak tein rian a rak t’uantu a rak si ve.

Iran Major general, Qasem Soleimani nih cu tibantuk in American he ralhrang doh dingin timhlamhnak an rak ngeih nak ruangah IS ralhrang rian t’uan nak zei maw zat cu a rak dai phah tiah weekly news nih a chim.asinain America le Iran ram biatak tein irem lo nak an vun neih hnu in Major general, Qasem Soleimani nih American ram rian t’uan nak dohklah in ralhrang dang dang tu a t’awi-awm hna hi a si.American le Iran bia al cuahmah lio ah IS ralhrang hna nih biatak tein cawlcangh an itim ti cu friang tein a lang cang ti khawh a si.

ISIS Weekly Newspaper nih thanhnak a tuah ningah cun vawlei cung ram ah ka t’hawng ko aa ti mi ram hna nih an cahnak hriamnam le a ralkap thazaang in an i hrocer cuahmah lio ah jihadists ralhrang hna nih cun hmunkhat teah ifun tom kho dingin le rian t’uan t’han kho dingin tawlrel cuahmah lio a si tiah a chim.Ralhrang hna nih mah bantuk bia an chim ngam nak hi NATO chungtel ram zei maw zat nih Iraq ram chungah a ralkap a rak chiah mi hna cu an lak t’han hna ruangah IS ralhrang hna nih fawi tein Iraq ram cu lak khawh an i zumh caah a si bik.curuang ah Germany zong nih Iraq ram ah a ralkap traning a kaiter cuahmah mi hna cu Jordan le Kuwait ram ah a chek cuahmah hna tiah theih a si.

Source:AFP

Related Posts